Departamenti i Policisë në kryeqytetin e Francës, Paris njoftoi se protesta e diskutueshme e organizuar nga neonazistët u lejua me arsyetimin se nuk ekzistonte rreziku i prishjes së rendit publik.
Protesta e organizuar nga qindra neonazistë në Paris të shtunën shkaktoi reagime në vend.
Në një deklaratë të Policisë së Parisit pas reagimeve thuhet se “Në Francë një protestë mund të ndalohet vetëm kur vërtetohet se rrezikon të prishë rendin publik”.
Në deklaratë thuhet se kjo protestë nuk u ndalua me arsyetimin se grupi organizator nuk shkaktoi probleme në tubimet e tyre të mëparshme.
Më 6 maj në Paris, më shumë se 500 neonazistë brenda Trupit të Komitetit të 9 majit mbajtën protestë për të përkujtuar vdekjen e Sebastien Deyzieu, një nga figurat kryesore të së djathtës ekstreme, i cili vdiq në vitin 1994 pasi ra nga një apartament i lartë duke ikur nga policia.
Turma me maska në fytyrë dhe me pantallona të zeza marshoi në rrugë, ku policia nuk formonte rreth sigurie ishte temë në mediat e vendit dhe në rrjeteve sociale.
Disa qytetarë në Twitter reaguan duke thënë se “policia franceze nuk lejoi protestat e njerëzve që protestonin kundër reformës së pensioneve, por lejoi neonazistët të bënin marshime”.