Ministri turk i Ekonomisë, Nihat Zeybekçi, deklaroi se me përditësimin e Marrëveshjes së Unionit Doganor ndërmjet Turqisë dhe BE-së eksportet në këtë treg do të rriten në nivelin 60%, nga 49% që është aktualisht…
Ministri turk i Ekonomisë, Nihat Zeybekçi, deklaroi se me përditësimin e Marrëveshjes së Unionit Doganor ndërmjet Turqisë dhe BE-së (Marrëveshja e Ankarasë) eksportet në këtë treg do të rriten në nivelin 60%, nga 49% që është aktualisht.
Nihat Zeybekçi theksoi se brenda këtij viti ose jo më larg se deri në gjysmën e parë të 2018-s, Marrëveshja e Unionit Doganor ndërmjet Turqisë dhe Bashkimit Evropian do të zgjerohet dhe përditësohet në mënyrë që të përfshijë gjithashtu fusha si bujqësia, ushqimi, shërbimet, prokurimet publike dhe tregtia elektronike (e-tregtia).
Falë këtij zhvillimi, kompanitë turke me aktivitet në sektorin e shërbimeve do të sigurojnë avantazhe shumë të rëndësishme në BE ose në sektorët e shërbimet dhe prokurimet publike të Bashkimit Evropian.
Kompanitë evropiane po ashtu do të gëzojnë të njëjtat avantazhe në Turqi.