Author

Shekulli Agency

Arrestohet zëdhënësi i Vetëvendosjes

nga Shekulli Agency 15 Shkurt 2016

Me urdhër të EULEX-it ka filluar arrestimi i një numri të madh të aktivistëve të Lëvizjes Vetëvendosje. VV ka konfirmuar arrestimin e zëdhënësit të partisë, Frashër Krasniqit.

Lëvizja Vetëvendosje konfirmon se është arrestuar Frashër Krasniqi, drejtuesi i Sekretariatit për Media dhe Komunikim i Lëvizjes VETËVENDOSJE!.

Frashëri është marrë nga policë civilë rreth orës 17:00 teksa po dilte nga televizioni 21 ku ishte i ftuar që të flasë mbi protestën e së mërkurës.

“Këto sulme e përndjekje që shtohet sa herë opozita përgatitet për kundërshtim nuk kanë efekt”.

“Opozita nuk ndalet dhe protesta do të jetë madhështore”, thuhet në njoftimin e VV-së.

15 Shkurt 2016

Opinion/Analiza

Të jesh prijës fetar, e sidomos i fesë Islame është presion dhe barrë e rëndë që disa e kuptojnë e disa e shohin me indiferentizëm. Sot kur kemi një rritje të praktikimit të fesë në trevat shqiptare, në anën tjetër kemi edhe një rritje të një fetarofobie apo më saktë të një Islamofobie të tmerrshme, që ka filluar edhe të prek individë. Imami Shefqet Krasniqi, e pastaj Imami tjetër po ashtu shumë i njohur nga Prizreni Irfan Salihu erdhën deri tek suspendimi, si shkak i ngritjes së hienave islamofobike për të na tërhjekur “vërejtjen” nga rreziku i Islamit radikal, që kinse na vinte nga këta imam.

Këta dy imam ishin shumë të dëgjuar përmes mediave sociale, mjaftonte një ligjëratë e tyre të ngarkohej në internet e pastaj të bëhej virale apo të shpërndahej me mijëra herë. Ndërsa ka gati dy vite, kur këtyre iu është ndalur zëri. E kjo sikur lind dyshimin, mos është kjo metodë e mirë orkestruar për të përdorur strategji që zakonisht përdorin vendet komuniste për të bërë zërat e fuqishëm dhe të dëgjueshëm “silent” apo të “heshtur”. Fikja e zërit nënkupton në pamundësi të luftimit të idesë me ide, atëherë të dilet në rrafshin e forcës dhe muskulit e maskuar në mënyrë brilante si thirrje për radikalizëm.

Një rëndësi të madhe në krijimin e klimës mbi fenomene të caktuara shoqërore e luan edhe media. Ndërsa imamët kanë qenë kurban të mediave tona, që mediat në areolën shqiptare nuk kanë lënë mjekrosh, e pa e bërë terroristë dhe të rrezikshëm, ndërsa ne për çdo ditë dëgjojmë e shohim krime që ndodhin në mesin tonë, që nuk kanë lidhje aspak me fe! Si mundet i rrezikshmi të na dal në çdo edicion të lajmeve për çdo natë, ndërsa ai që vret e pret të jetë krejt dikush tjetër!
Imamët janë gjendur në këtë mes për disa nga arsyet, që mendojë ti listojë më poshtë dhe se ata janë bërë top i mirë për tu goditur nga mediat edhe për të përmbushur normat. Imam Irfan Salihu ka qenë i goditur jashtë mase nga mediat, që me një kohë ishte ylli i tyre me Like Like. Por sot, pse sulmohet hoxhë Irfani?

1. Mos përkrahja institucionale nga ana e organit më të lart fetar në Kosovë respektivisht nga Bashkësia Islame. Heshtja që bëri me arrestimet e disa imamëve, që janë nën ombrellën e Bashkësisë Islame të bënë të mendosh nëse ata imam janë pjesë e asaj Bashkësie apo jo! BIK-u, është zëri i myslimanëve dhe nuk guxon dikush të tallet me prijësit e myslimanëve për x qëllimi politik apo x klikime!

2. Imam Irfani sulmohet për shkak se nuk ka rrezik prej tij. Në momentin që ai kishte ndonjë kërcënim apo kishte rrahur ndonjë gazetar ndryshe do të ishte sjellja e mediave karshi tij. Shumë mirë e dinë gazetarët se jo për çdo kënd shkruhet në gazetë, ngase disa dinë edhe me dhënë edhe grushte. Hoxhë Irfani nuk e bënë këtë, ngase ai është një intelektual që ka formim fetar. Gazetarët në pamundësi për të qenë të guximshëm në të vërtetën e shumë fytyrave muskulore por që ka rrezik prej tyre, merret me njerëz të butë, që karakteri i tyre është paqësor.

3. Hoxhë Irfani nuk është milioner. Po të kishte para, do të mendoheshin mediat tona që kanë kriza ekonomike, se mos ndoshta mund të marrin ndonjë të hollë për reklamë. Mirëpo nga imami Salihu, nuk kanë përfitim material, e normale është se ky të shpallet terroristë e radikalistë, terme të rënda që askush nuk po ua vë veshin, thua sikur janë qebaba dhe qofte.

4. Hoxhë Irfani është i famshëm. Eh dikush përdor të gjitha mundësit e aparaturat e ndryshme për të qenë figurë publike, ndërsa ai hoxha me një kamerë 250E, bëhet figurë me ndikim dhe zë i dashur i shoqërisë. E normale është ti pengojë në këtë rast thirrjet e imamit.

Këto janë disa nga arsyet, që mund të mos të jenë të sakta, por të jemi të sigurt, figura e hoxhës gjithnjë ka qenë e nderuar në kombin shqiptar, ndërsa mediet për disa klikime po e përdhosin, ndërsa dikush figurën e hoxhës po e përdhos për të fituar ndonjë poenë politike. Këtë temë nuk e kisha qëllim ta shkruaja, tani kur shteti ynë Kosova, po kalon një fazë të rëndë të politikë bërjes ku shumë situata të rënda janë paraqitur, mediat si sehribazë apo magjistar përpiqen të largojnë vëmendjet nga problemet esenciale duke u marrë me imam. Kjo nuk është e shëndosh e aspak nuk i shërben krijimit të një klime të mirëfilltë të bashkëjetesës dhe tolerancës.

Nexhmedin Kalisi

15 Shkurt 2016

Sport

Verratti me PSG-në deri në vitin 2020

nga Shekulli Agency 15 Shkurt 2016

Barcelona apo klube të tjera të mëdha në Europë duhet ta harrojnë Marco Verrattin.

Mesfushori italian zgjati kontratën me PSG deri në vitin 2020, duke shuar të gjitha zërat për një largim të mundshëm nga kryqyteti francez. Në komunikatën zyrtare të Paris Saint Germain, shkruhet se ky rinovim kontraktual tregon rëndësinë që ka 23-vjecari në Parc des Princes. Pas marrëveshjes së re të Blanc dhe të stafit të tij, zgjatje e kontratës së Verrattit reflekton besnikërinë e futbollistëve për PSG. Që nga dita kur firmosi për klubin në Korrik të 2012-ës, mesfushori italian është shndërruar simbol i projektit sportiv të PSG, duke patur një rol të rëndësishëm në sukseset e skuadrës si në Francë edhe në Champions League.

Verratti ka luajtur në 155 ndeshje me parizienët, ndër të cilat 28 në Champions League. Vetë lojtari i Kombëtares Italiane u shpreh shumë i lumtur për zgjatjen e kontratës, ai falenderoi klubin për besimin që i ka dhënë që nga dita e parë kur shkeli në Francë. Verratti premtoi se do të japë maksimumin për t’u dhënë kënaqësi tifozëve parizienë. Presidenti Al Khelaifi theksoi në fjalën e tij se Verratti është një ndër futbollistët më të talentuar në Europë, një idhull për tifozët e Paris Saint Germain, ndaj mirëbësimi mes palëve do të vijojë për shumë vite të tjera.

15 Shkurt 2016

Bota

Ambasadori ukrainas: Turqia e administron me gjakftohtësi procesin

nga Shekulli Agency 15 Shkurt 2016

Në një intervistë ekskluzive për TRT-në Ambasadori i Ukrainës në Ankara bëri deklarata të rëndësishme edhe në lidhje me politikat e Rusisë në rajon.

Ambasadori i Ukrainës në Ankara i ka vlerësuar me këto fjalë politikat e ndjekura nga Rusia në Siri.

Ai tha se këto politika kanë dy synime kryesore.

“Qëllimi i Rusisë është të dëmtojë vendet e rajonit duke rritur numrin e emigrantëve dhe të mbështesë grupet terroriste për të dëmtuar Turqinë”, u shpreh Ambasadori i Ukrainës, Sergiy Korsunsky.

“Turqia po e administron procesin me gjakftohtësi dhe mban një qëndrim të durueshëm. Në njërën anë ajo vazhdon të ndihmojë refugjatët. Nga ana tjetër përpiqet të zgjidhë me rrugë diplomatike problemin që ka me Rusinë”, vijoi Korsunsky.

Ambasadori ukrainas duke vlerësuar për TRT-në kontaktet e Kryeministrit Davutollu në Kiev tha:

“Do të vazhdojnë negociatat për marrëveshjen e tregtisë së lirë. Do të kërkohen rrugët për rritjen e bashkëpunimit në fushat e energjisë transportit, turizmit dhe industrisë së mbrojtjes dhe sigurisë. Gjithashtu do të rishikohen edhe një herë përgatitjet para vizitës së Presidentit të Ukrainës në Turqi dhe mbledhjes së Bashkëpunimit të Nivelit të Lartë”, sqaroi ambasadori Korsunsky.

/TRT/

15 Shkurt 2016

Reflektim

Biznesmeni, 50 mijë euro për vrasjen e një pronari tokash

nga Shekulli Agency 15 Shkurt 2016

Kristi Pine, vrasësi i penduar i grupit të Admir Tafilit, ka rrëfyer të paktën dy vrasje dhe tre tentativa vrasjesh, të cilat janë porositur nga persona të ndryshëm nëpërmjet Tafilit, i cili jepte urdhra nga burgu. Nga 15 mijë euro deri në 100 mijë euro, janë pagesat e ofruara për Pinen, i cili konsiderohet dhe si ekzekutori i grupit të strukturuar kriminal. Pazari për vrasjen e pronarit të tokës ku ishte ndërtuar një HEC, është një nga episodet e rrëfyera nga 24-vjeçari korçar.

Kristi Pine, një 24-vjeçar i konsideruar si vrasës me pagesë, për llogari të të dënuarit me burgim të përjetshëm Admir Tafili, ka rrëfyer disa nga krimet e porositura nga burgu. Ai ka treguar personat me të cilët ka bashkëpunuar, porositësit e krimeve dhe mënyrën e ekzekutimit të tyre.

I penduar për gjithçka ka bërë, Pine ka pranuar të bashkëpunojë me drejtësinë, duke rrëfyer detaje nga planet e vrasjeve, ku shpesh porositës janë biznesmenë, apo persona që duan të vrasin për hasmëri. Ai thotë se ka kryer një vrasje në Shkodër, ka tentuar të vrasë një tjetër person në Shkozë dhe nuk ka realizuar disa vrasje të tjera, për të cilat i është ofruar nga 50 deri në 100 mijë euro.

Pine rrefen detajet nga plani për vrasjen e shtetasit Majlind Lila, i cili kishte konflikt me pronarin e një HEC-i, pasi ishte ndërtuar në tokën e tij.

Për këtë ngjarje, vetë Lila ka bërë kallëzim në polici, dëshmi e cila përputhet me rrëfimin e Krsti Pines.

Për këtë ngjarje, Prokuroria e Krimeve të Rënda, ka marrë të pandehur pronarin e HEC-it, shtetasin Fatos Koka, si dhe personat e tjerë që kanë planifikuar vrasjen e pronarit të tokës, përfshi dhe Admir Tafilin.

Shtetasi Majlind Lila, ka bërë kallzim penal në lidhje me një problem që ka me shtetasin Mehmet Koka dhe djalin e tij Rakip Koka, të cilët janë administratorë të një hidrocentrali që kanë bërë në tokën e tij, në vendin e quajtur Gjon-Martanesh, Bulqizë.

Për këtë konflikt, ai është në proces gjyqësor që prej 5 vitesh. Me këta shtetas, ai ka patur dhe konfrontime fizike e verbale, në lidhje me pronësinë e tokës.

Në vitin 2010 në nëntor, poshtë pallatit të vëllait të tij, kanë ardhur shtetasit Elton Koxheri dhe Shkëlqim Koxheri, së bashku me tre persona të tjerë, dhe e kanë rrahur shumë keq, duke e lënë në gjendje të rëndë shëndetësore shtetasin Majlind Lila.

Nga këta persona, ai ka patur kërcënime me jetë, në shumë mënyra; po ashtu është kërcënuar edhe bashkëshortja e tij.

Në datën 4.12.2014, rreth orës 13:20, Lila ka qenë së bashku me motrën Fatmira Gjoni, nusen e vëllait, si dhe prindërit e nuses së vëllait, pasi po përcillnin për në Greqi vëllain Xhaferr Lilën.

Autobusi ndodhet te Bulevardi “Zogu I”, 50 m nga Universiteti “UFO”, ngjitur me Raiffeisen Bank.

Aty ka vënë re të pandehurin Fatos Koka, së bashku me një person tjetër që ishte i ri afro 24 vjeç, trup i shkurtër afro 1.65 cm, flokët të zeza dhe të qethura anash shkurt, mbante të veshur një xhup të zi dhe mbante një palë syze të errëta.

Më pas ka rezultuar se ky ishte shtetasi nën hetim, Kristi Pine. I

ka bërë përshtypje ky person, pasi nuk po i shqiste sytë duke e parë, ndërsa Fatosi kur ka vënë re që ai po e shikonte, është kthyer me kurriz për të ikur, por ky djalë i ri e ka kapur për krahu, e ka tërhequr dhe e ka kthyer kur kanë kaluar të dy përballë tij.

Shtetasi Majlind, i ka treguar vëllait se ky është personi që kishte konflikt dhe që e kishin rrahur në mënyrë brutale.

Ka kthyer kokën dhe ka parë sërish Fatos Kokën me këtë person, të cilët po shikonin në drejtimin e tyre.

“Unë së bashku me motrën, kam ikur me shpejtësi, pasi kisha frikë se mos më bënin ndonjë gjë”, ka deklaruar Majlind Lila.

Pasi kanë kaluar disa kohë, në muajin shkurt, kallzuesi ka parë në media se një person i moshës 24 vjeç është kapur, pasi dyshohej se ishte vrasës me pagesë.

Të nesërmen kam parë në gazetë fytyrën e personit që policia kishte kapur si vrasës me pagesë dhe ishte i njëjtë me personin që unë kam parë te stacioni i autobusit me të pandehurin Fatos Koka.

Në ato momente, ka menduar se Fatos Koka kishte për qëllim që t’i tregonte këtij personi që ta vriste.

Kallzuesi thekson se e ka të fiksuar shumë mirë fytyrën e këtij personi te stacioni i autobusit dhe i ka bërë përshtypje pasi e shikonte drejt dhe nuk i shkëpuste sytë.

Gjithashtu kallzuesi deklaron se ai ruhet nga shtetasit Mehmet Koka dhe Fatos Koka, pasi dyshon se duan t’i bëjnë ndonjë gjë atij dhe familjes së tij.

Dëshmia e Pines

Së bashku me Alban Beqiraj dhe Elson Merdanin, kunati i Admir Tafilit, kemi qenë me një mjet tip “Volkswagen” dhe Elsoni më tha: “…do takojmë atë personin për muhabetin që kemi bërë…”, pasi kishim folur që në muajin nëntor për këtë gjë dhe se Elsoni më kishte premtuar 15 mijë euro dhe një pistoletë 15-she, për të kryer një vrasje. Shtetasi Kristi Pine, deklaron se Elsoni i ka treguar personin në afërsi të qendrës në Tiranë, duke i thënë: ”Ky është personi që do të takosh, është personi i punës për të cilën kemi bërë muhabet. Pas kësaj, shtetasi Kristi ka dalë nga automjeti dhe e ka takuar personin që ishte me gjatësi afro 175 cm, trup i shëndoshë, kurse Elson Merdani dhe Albano Beqiraj, kanë qëndruar në automjetin tip “Volswagen Passat” me targë AA 306 JO. Shtetasi Kristi Pine ka përshkruar përveç karakteristikave fizike të personit që do të takonte dhe veshjen e tij si dhe faktin që mbante syze dielli. Personi që shtetasi Kristi e përshkruan si i shëndoshë, flokë të shkurtra, i gjatë afro 1.75 m, fillimisht i thotë: “Ke bërë muhabet me atë, duke nënkuptuar Elsonin” dhe pasi shtetasi Kristi i përgjigjet: “Po, kam fol”, i ka treguar me dorë në drejtim duke i thënë: “Ky është personi”, që në atë moment ndodhej në krahun tjetër të rrugës. Pasi Kristi e pyet “për sa”, ai i është përgjigjur:“…për 50 mijë euro”. Shtetasi Kristi i përgjigjet “OK”. Në atë moment ky person që do të ishte si objektiv për t’u vrarë, ka shkëmbyer shikim me shtetasin Kristi Pine. Pas kësaj, shtetasi Kristi është kthyer dhe është futur në automjet ku e priste Elsoni, i cili e pyet: “Hë, mirë”, dhe ai i përgjigjet: “Mirë, por të presë ky se kemi halle të tjera”. Nisur nga deklarimi i shtetasit nën hetim, Kristi Pine dhe përshkrimi i karakteristikave fizike të personit që ishte porositës i vrasjes, është bërë paraqitje për njohje me anë të fotografive, ku shtetasi nën hetim Kristi Pine, në të gjitha rastet e përsëritjes së veprimit të njohjes nëpërmjet fotove, ka njohur të pandehurin Fatos Koka, si personin që e ka porositur për të vrarë shtetasin Majlind Lila, kundrejt një shume prej 50 mijë euro. Shtetasi nën hetim Kristi Pine, ka deklaruar gjithashtu se: “…ishte njohur nga Elsoni për faktin se ata (Fatos Koka dhe Majlind Lila), kishin një konflikt pronësie për një toke ku do ndërtohej një hidrocentral”.

Dëshmia e Pines: Plani për vrasjen e Leonard Muratit në Durrës

Rreth muajit tetor 2014, të pandehurit Kristi Pine, Aleksandër Gora dhe Admir Tafilaj, në bashkëpunim midis tyre dhe në bashkëpunim me një person tjetër, ende i paidentifikuar, banues në Durrës, kanë përgatitur kushtet për vrasjen e shtetasit Leonard Murati, në Durrës. Nga hetimet ka rezultuar se i pandehuri Admir Tafilaj i ka kërkuar të pandehurit Kristi Pine, që të takohet me të pandehurin Aleksandër Gora dhe pasi janë takuar, ky i fundit i ka propozuar të vrasë një biznesmen nga Durrësi, të quajtur Leonard Murati. Për vrasjen e tij ofrohej shuma prej 50 mijë euro dhe nëse vriste edhe nipin, do të paguante 100 mijë euro. Këtë porosi e ka marrë Admir Tafilaj, nga persona të paidentifikuar ende. Takimi është kryer në muajin tetor në Tiranë dhe së bashku me shtetasin nën hetim Aleksandër Gora, me mjetin e këtij të fundit, kanë shkuar në qytetin e Durrësit, ku kanë takuar një shtetas të qujtur Klajdi. Ky person i ka siguruar dhe dhënë shtetasit nën hetim Kristi Pine, dy armë, një tip “Skorpions” dhe një armë tip pistoletë “Zastava”. Gjithashtu ky shtetas i ka gjetur dhe dhënë dhe një motorr, i cili iu seksuetrua këtij shtetasi në momentin e arrestimit dhe që rezultoi të ishte i vjedhur në Greqi. Pas këtij momenti, shtetasi Kristi Pine ka filluar përgatitjet për kryerjen e vrasjes, duke studiuar vendet ku banonte dhe qëndronte, rrugët e lëvizjes, mjetet dhe personat që e shoqëronin. Për këtë vrasje, shtetasi nën hetim Kristi Pine, ka biseduar dhe me shtetasin nën hetim Elson Merdani, i cili i ka thënë se për këtë vrasje kishin marrë një shumë prej 25 000 euro.

Vrasja e shtetasit Leonard Murataj, është kryer në ambientet e lokalit të tij në Durrës dhe sipas deklarimeve të shtetasit nën hetim Kristi Pine, kjo vrasje nuk është kryer nga ai, por nga dy persona që ai nuk i ka njohur dhe në këto kushte veprimet e tij, në bashkëpunim me shtetasit Admir Tafilaj, Aleksandër Gora, Elson Merdani dhe një shtetas nga Durrësi, ende i paidentifikuar plotësisht, përbëjnë elementët e veprës penale të “Sigurimit të kushteve dhe mjeteve materiale për të kryer vrasje”. Pavarësisht se kjo vrasje nuk është kryer nga shtetasi nën hetim Kristi Pine, shtetasi i dënuar Admir Tafilaj, ka marrë një shumë prej 25 000 euro, shumë të cilën e ka marrë shtetasi Elson Merdmani, prej të cilave i ka dhënë Kristit 3000 euro. Përgatitja për kryerjen e kësaj vrasjeje, provohet dhe nga biseda telefonike e datës 31.10.2015, personi nën hetim, Kristi Pine, komunikon ne telefon me të dënuarin Admir Tafilaj, nëpërmjet numrit celular në përdorim nga Alban Beqiraj, i cili kishte thirrje nga Admiri me emrin Xhike. Biseda bën fjalë për sigurimin e armëve dhe motoçikletës që do të përdorej nga Kristi Pine për të realizuar vrasjen e Leonard Muratit. Konkretisht në mënyrë të koduar, i shpjegon se kishte marrë dy armë dhe motorrin dhe detajin tjetër se për armën tip “Skorpion”, Klajdi nga Durrësi, nuk i kishte siguruar akoma fishekë, që ishin të kalibrit 7.65.

Të pandehur:

Admir Tafilaj

Kristi Pine

Elson Merdani

Dritan Peksani

Alfred Qefalia

Adrian (Isuf) Uzuni

Klajdi Shermadhi

Aleksandër Gora

Fatos Koka

Albano Beqiraj

Dhimitër Zito

Kalem Hyka

Besnik Daci

15 Shkurt 2016

Reflektim

Krijohet profil i rrejshëm i prokurores Fetai, MPB po heton rastin

nga Shekulli Agency 15 Shkurt 2016

Një profil i rrejshëm i Prokurores Speciale Fatime Fetai ka filluar të qarkulloj në rrjetin social facebook. Rasti është denoncuar në polici, prej ku kanë njoftuar se janë vënë në gjurmët e atyre që e kanë hapur llogarinë si dhe për shkaqet pse është bërë një gjë e tillë. MPB poashtu ka kërkuar edhe nga facebook mbylljen e llogarisë.

Për profilin e rrejshëm kishin njoftuar edhe nga Prokuroria Special të cilët në faqen e tyre zyrtare kanë shkruar se prokurorja Fetai nuk posedon facebook dhe se të gjitha profilet janë të rrejshme.

/SHENJA/

15 Shkurt 2016

Bota

Davutoglu: Masat e sigurisë e drejtë e Turqisë

nga Shekulli Agency 15 Shkurt 2016

Davutogllu në fillim të vizitës në Ukrainë tha se organizatat terroriste PKK, e cila vepron në Turqi dhe dega e saj YPG, që vepron në Siri janë piunë të politikës ekspansioniste ruse

Turqia ka të drejtë të ndërmarrë të gjitha masat e nevojshme në drejtim të mbrojtjes së sigurisë së saj sepse asnjë vend nuk mund të jetë nën ndikimin e zhvillimeve në Siri ashtu siç është Turqia, dhe pikërisht nga kjo ne nuk do të hezitojmë të ndërmarrim masat e nevojshme të sigurisë, deklaroi sot në Kiev, kryeministri i Turqisë, Ahmet Davutoglu, raporton Anadolu Agency (AA). Davutogllu në fillim të vizitës në Ukrainë tha se organizatat terroriste PKK, e cila vepron në Turqi dhe dega e saj YPG, që vepron në Siri janë piunë të politikës ekspansioniste ruse.

“PKK në Turqi dhe YPG në Siri janë instrumente të Rusisë dhe piunë të politikës së saj ekspansioniste. Nëse kjo nuk zbulohet, në të ardhmen mund të shfaqen probleme të tjera. Këto instrumente përdoren në mënyrë që Turqia të vendoset në pozitë të vështirë. Nga këto arsye, qëndrimi ynë lidhur me këto organizata terroriste është legjitim” tha kryeministri turk.

Ai bëri të ditur qëndrimin e Turqisë për lëvizjen e organizatës YPG në Siri, i cili sipas tij është se këta pjesëtarë nuk guxojnë t’i afrohen Azazit, respektivisht lindjes së Afrinit.

15 Shkurt 2016

Fokus

Super ushqimet për kockat tuaja

nga Shekulli Agency 15 Shkurt 2016

Kocka të forta : kujdesuni për ti mbajtur

Kockat tona mbeten të forta gjatë periudhës së rinisë. Në moshën e mesme, ato ngadalë fillojnë të hollohen. Tek gratë, ky proçes përshpejtohet pas menopauzës, por ka mënyra për të frenuar këtë proçes. Një nga mënyrat më të mira të mbrojtjes është dieta – e cila ndikon në densitin e kockave në çdo moshë.

Qumështi
Kalçiumi është baza për eshtra të forta. Të rriturit deri në moshën 50 vjeç kanë nevojë për 1000 miligram në ditë. Gratë mbi 51 dhe burat mbi 71vjeç kanë nevojë për 1.200 miligram çdo ditë. Burimi kryesor i kalçiumit është padyshim qumështi. Një filxhan 220 gr me qumësht ka 300 miligram kalçium.

Kos dhe djathë
Nëse nuk e konsumoni qumështin, atëhere mund të merrni kos. Një filxhan kos dhe 28gr djathë ka aq kalçium sa një filxhan qumësht 220gr. Edhe në qoftë se jeni intolerant nga laktoza, kosi dhe djathi i fortë janë të varfër në laktozë. Heqja e laktozës nga qumështi nuk ndikon në përmbajtjen e kalçiumit.

Sardele
Një burim tjetër i shkëlqyer për kalçiumin janë sardelet. Këto kanë atë që ju nevoitet për të ndërtuar masën e kockave në trupin tuaj. Ngrënia e 85 gr sardele të konservuara japin pak më shumë kalçium se një filxhan qumësht.

Zarzavate
Mund të befasoheni kur të mësoni se kalçiumi është me shumicë në perime. Gjeni barishte me gjethe në ngjyrë të errët të tilla si lakra kineze, e tjera. Një filxhan me rrepa të coptuara dhe gatuar me zarzavate ka rreth 200 miligram kalçium.

Ushqime me elemente shtesë
Nëse produktet e qumështit, sardelet dhe zarzavate me gjethe nuk ju plotësojnë, merrni në konsideratë ngrënien e ushqimeve me elemenë shtesë. Këto janë produkte që nuk përmbajnë kalçium, por natyrisht janë të pasura me minerale thelbësore. Një lëng portokalli ka deri në 240 miligram kalçium dhe drithërat japin deri në 1,000 miligram për çdo filxhan. Kontrolloni etiketat ushqimore për sasinë e kalçiumit.

Kalçium shtesë
Suplementët janë një mënyrë e thjeshtë për të rritur marrien e kalçiumit, por nëse jeni tashmë duke marrë kalçium të mjaftueshem nga ushqimi, marria më shumë në formë pilule nuk do të kontribuojë në shëndetin e kockave. Ekspertët thonë se ka pak dobi në marrjen e më shumë se 2000 miligram kalçium në ditë dhe tejkalimi mund të çojë në gurë në veshka. Për thithjen më të mirë, merrni jo më shumë se 500 miligram në një kohë. Disa shtesa kalçiumi, të tilla si karbonat kalçiumi, absorbohen më mirë nëse merren me ushqime, por kalçiumi citrat mund të merret në çdo kohë.

Ushqime të sojës
Gjysëm filxhani soje përmban 861 mg kalçium, por ai nuk është i vetëmi mineral që i jep fortësi kockave. Një studim i ri tregoi se kimikate me bazë bimore të quajtura isoflavone rritin gjithashtu dendësinë kockore. Isoflavonet janë të shumta në ushqime të tilla si pureja e sojës dhe duket se kanë një efekt për rritje të estrogjenit në trup. Kjo mund ta bëjë sojën të dobishme në shmangien e sëmundjeve të kockave tek gratë gjatë menopauzës.

Salmoni
Salmoni dhe lloje të tjera peshku yndyror ofrojnë lëndë ushqyese që forcojnë kockat. Ato përmbajnë kalçium si dhe vitaminë D e cila ndihmon në absorbimin e kalçiumit. Ato janë gjithashtu të larta në acide yndyrore omega – 3. Vaji i peshkut ka treguar se redukton humbjen e kockave tek femrat e moshuara dhe mund të parandalojnë osteoporozën.

Arra & Farërat
Arra dhe farat mund të nxitin shëndetin e kockave në disa mënyra. Arra dhe farat e lirit janë të mbushura me acide yndyrore omega – 3. Kikirikët dhe bajamet përmbajnë kalium, i cili mbron humbjen e kalçiumit në urinë. Arrat gjithashtu përmbajnë proteina dhe lëndë ushqyese të tjera që luajnë një rol mbështetës në ndërtimin e kockave të forta.

Redukto kripën
Kripa është një keqbërës i madh duke privuar kalçiumin në trupin tonë. Sa më shumë hani kripë, aq më shumë kalçium largohet nëpërmjet urinës. Duke përdorur një dietë të varfër në kripë, mund të rruani më shumë kalçium për të forcuar kockat tuaja.

Reze dielli
OK , koha me diell nuk është një ushqim. Por trupi prodhon vitaminë D në përgjigje të rrezeve të diellit. Pa vitaminë D organet tona nuk mund të absorbojnë kalçiumin nga ushqimet. Motit me re dhe lëkura e errët mund të ndikojnë. Prandaj, disa njerëz mund të marrin vitaminë D shtesë. Sasia e rekomanduar në dietë është 600 IU në ditë për të rriturit dhe 800 IU mbi moshën 70 vjeç.

Ushtrimet fizike
Që kockat të marrin maksimumin e dietës duhet të bëni rregullisht stërvitje për të ruajtur peshën normale. Kjo përfshin çdo veprimtari që forcon kockat dhe muskujt . Rezultati është se trupi asimilon më shumë material kockor dhe kockat bëhen më të dendura. Ecje e shpejtë, vallëzimi, tenisi dhe yoga kanë treguar përfitime për kockat.

15 Shkurt 2016

Ballkani

Dështimi politik në transformimin e FSK-së në FAK

nga Shekulli Agency 15 Shkurt 2016

Qendra Kosovare për Studime të Sigurisë (QKSS) në bazë të ekspertizës dhe punës hulumtuese, QKSS konstaton se implikimet nga mos-transformimi i FSK-së në FAK janë shumë- dimensionale dhe si rrjedhojë kërkohet përgjegjësi e hapa konkret në këtë drejtim.

Në aspektin politiko-strategjik, mungesa e miratimit të pakos së ligjeve për FAK vazhdon të ketë për pasojë mos-kompletimin e sektorit të sigurisë, sektor ky që ngërthen atribute shtetërore.

Në këtë drejtim, implikimet vërehen në vonesat që do të ketë në arritjen e kapaciteteve ushtarake të pjesshme e më vonë të plota.

“Kjo situatë do të jetë vetëm në funksion të status quos sidomos në kontekst të vazhdimit të pranisë ushtarake ndërkombëtare, duke pozicionuar edhe më tutje Kosovën në ranglistën e shteteve të papërfunduara. Qëndrimet e qytetarëve të cilat u maten me Barometrin Kosovar të Sigurisë nuk e favorizojnë një prani të pakufizuar të misioneve ndërkombëtare. Madje vazhdimi i mandatit të këtyre misioneve pa pasur kalim final të përgjegjësive tek vendorët, është zgjidhje e paqëndrueshme dhe në dëm të shtetit ndërtimit”, thuhet në raport.

Tutje, ky ngërç ka për pasojë shtyrjen e përpjekjeve për integrim në NATO i cili vazhdon të sfidohet, përveç tjerash, edhe për mungesën e elementit të mbrojtjes.

Sipas QKSS-së, në aspektin bilateral, ky ngërç dekurajon shtetet mike aleate të cilat planifikojnë nisjen e bashkëpunimeve bilaterale ushtarake në funksion të paqes e sigurisë rajonale dhe botërore.

Në aspektin operativ, implikimet vërehen në rritjen e demotivimit të pjesëtarëve të FSK-së të cilët kanë konsumuar mandatin ekzistues të mbrojtjes civile.

Duke pasur parasysh qëndrimin e qytetarëve si dhe nevojën për kompletimin e këtij sektori, QKSS i bën thirrje Qeverisë së Kosovës dhe Kuvendit të Kosovës që urgjentisht të procedojë me miratimin e ndryshimeve Kushtetuese për transformimin e FSK-së në FAK.

Sipas Barometrit Kosovar të Sigurisë, mbi 87% e qytetarëve të Kosovës janë në favor të transformimit të FSK-së në FAK, duke bërë këtë politikë publike me mbështetjen më popullore në Kosovë.

“Ne jemi të vetëdijshëm për vështirësitë politike si rrjedhojë e qëndrimit të partive politike serbe në Kosovë megjithatë ne konsiderojmë që, në konstalacionin e tanishëm, themelimi i FAK nuk duhet parë si i izoluar mirëpo si pjesë e një procesi konsultativ me minoritetet për një varg çështjesh”, thuhet në njoftim.

Sipas QKSS-së, nëse Qeveria vendos të procedojë me dekretimin e Asociacionit të Komunave Serbe (AKS) – i cili në secilën variant duhet të jetë në përputhje me Aktgjykimin e Gjykatës Kushtetuese – parakusht për këtë të jetë pëlqimi i partive politike serbe për ndryshimet kushtetuese në funksion të themelimit të FAK.

“Në të kundërtën, dështimi i gjetjes së konsensusit për themelimin e FAK dhe dekretimi i pakushtëzuar i AKS do të jetë kundër vullnetit publik, do të reflektojë triumfalizëm për një komunitet kurse dëme për tjetrin dhe, mbi të gjitha, mund të parashihen pasoja të mëdha për rendin dhe sigurinë publike”, thuhet në raportin e QKSS-së.

15 Shkurt 2016

Sport

Seria A/ Fiorentina – Inter 2-1. Kriza vazhdon

nga Shekulli Agency 15 Shkurt 2016

Nevojitej një provë force dhe një mesazh për rivalët. Por, Interi i Roberto Mancinit vazhdon të zhgënjejë. Zikaltërit u mposhtën 2-1 në fushën e Fiorentinës, duke humbur vendin e tretë në Serinë A. Një disfatë tronditëse për mënyrën si rodhi ndeshja: Humbje me përmbysje, me një gol në minutat shtesë.

Duke shfrytëzuar faktorin fushë, Fiorentina e nis furishëm ndeshjen. I pari sinjal i rrezikshëm kaloi nga këmbët e Bernardeschit, që pasi kaloi dy kundërshtarë, gjeti në rrugën e tij Handanovic. Në të 13-ën ishte Telles ai që realizoi një mrekulli për Interin, duke evituar një gol të sigurt pas goditjes së Ilicic. Zikaltërit në apati të plotë vuajtën ritmin e lart të vjollcëve dhe nuk krijuan praktikisht asgjë . Por, në të parën dalje të rrezikshme, Brozovic zhbllokoi sfidën. Një aksion perfekt i zikaltërve, ku Kondogbia vertikalizoi për Palacio-n, që nga fundorja gjeti të lirë mesfushorin kroat, që nuk e kishte të vështirë të shënonte. Fiorentina vuajti goditjen dhe provoi të reagonte vetëm në fundin e pjesës së parë të sfidës me Vecino-n, devijimi me kokë i të cilit u neutralizua nga Handanovic .

Ashtu si në pjesën e parë të lojës, pas pushimit ndërmjet pjesëve vendasit ishin sërish ai që vendosën ritmin në fushë. Fillimisht një pretendim për 11-metërsh nga Tello, me gjyqtarin që vazhdoi lojën dhe më pas goli i barazimit me Borja Valero. Murillo devijoi harkimin e Ilicic nga e djathta dhe spanjolli përfitoi duke mposhtur Handanovic. Pak çaste më pas, Fiorentina pretendoi një tjetër penallti për prekje të topit me dorë nga Telles, me lojën që vazhdoi. Interi që vuante të organizonte sulme të rrezikshme i dha besim Fiorentinës që u hodh në kërkim të tre pikëve. Një avantazh për ekipin e Paulo Sosa-s ishte kartoni i dytë i verdhë i Alex Nicolao Telles në të 82-ën, me zikaltërit që nuk i rezistuan presionit të kundërshtarëve. Fituesi i sfidës në Artemio Franchi u vendos në minutat shtesë. I aktivizuar në të 87-ën, Khouma Babacar iu nevojitën 4 minuta në fushë për ta dërguar topin në rrjetë. Sfida mbyllet mes tensionit, me kartonin e kuq të Zarate për Fiorentinën. Gjithsesi, vjollcët regjistruan një sukses të jashtëzakonshëm, duke i rrëmbyer vendin e tretë në renditje pikërisht Interit. Zikaltërit janë në krizë të plotë, me vetëm një fitore në gjashtë javët e fundit, ndërsa tensioni është i dukshëm. Kjo u konfirmua edhe nga kartoni i kuq për Kondogbia, pas përfundimit të ndeshjes, me mesfushorin që duartrokiti me ironi gjyqtarin.

15 Shkurt 2016

Postime më të reja

Postime më të vjetra