Author

Shekulli Agency

Ndërtuesit turq të dytët në listën botërore të ENR

nga Shekulli Agency 22 Gusht 2015

Sipas listës së publikuar nga revista ndërkombëtare e sektorit të ndërtimit, ENR (Engineering News Record), për “250 ndërtuesit ndërkombëtarë më të mëdhenj të botës”, kontraktorët turq i kanë rritur të ardhurat në 29 miliardë dollarë.

Revista ndërkombëtare e sektorit të ndërtimit, ENR (Engineering News Record), ka publikuar listën vjetore të “250 kontraktorëve ndërkombëtarë më të mëdhenj të botës”. Kompanitë turke janë renditur sërish në vendin e dytë të kësaj liste.

Nga Turqia në këtë listë bëjnë pjesë 43 kompani ndërtimi. Firmat turke të ndërtimit pavarësisht problemeve në tregjet e Libisë dhe Irakut dhe stanjacionit në Rusi kanë arritur ti shtojnë të ardhurat e tyre me 43% duke i çuar ato në nivelin e 29 miliardë dollarëve.

22 Gusht 2015

Lajme

MPJ e Shqipërisë reagon rreth qëndrimeve të Greqisë për kishën e Shën Athanasit në Dhërmi

nga Shekulli Agency 22 Gusht 2015

Ditët e fundit ka patur një debat dhe reagime të ndryshme me pretendimin se po bëhen ndërhyrje në kishën e Shën Athanasit në Dhërmi, ku më pas kanë reaguar edhe Kisha Ortodokse Shqiptare.

Në lidhje me debatin e ditëve të fundit dhe reagimin e zëdhënësit të Ministrisë së Jashtme të Greqisë për ngjarjet në terrenin ku është kisha e Shën Athanasit në Dhërmi, ka reaguar zëdhënësi i Ministrisë së Jashtme të Shqipërisë, Glevin Dervishi.

Sipas tij, Shqipëria përkujdeset të sigurojë zbatimin e ligjit në tërësinë dhe pacenueshmërinë e tij. Dervishi deklaron se është konstatuar se qëndrimi i djeshëm i zëdhënësit të Ministrisë së Jashtme greke, përbën, në këtë kontekst, një ndërhyrje në mbarëvajtjen e rendit të brendshëm civil, administrativ dhe gjyqësor të Republikës së Shqipërisë. “Po ashtu, ai paragjykon në mënyrë të njëanshme dhe eksesive angazhimin e kahershëm të Greqisë për të shoqëruar integrimin evropian të Shqipërisë, të mbështetur nga partnerët e tjerë evropianë, gjë e cila bie ndesh edhe me praktikën e konsultimit dhe qasjes së përbashkët të problemeve mes vendeve qe ndajnë të njëjtën aspiratë evropiane”- thuhet në deklaratën e zëdhënësit të Ministrisë së Jashtme të Shqipërisë .

Dervishi shprehet se ky qëndrim, është larg frymës së bashkëpunimit dhe mirëkuptimit të ndërsjellë midis Shqipërisë dhe Greqisë, të cilën kishte për qellim të promovonte takimi i fundit i Ministrave Bushati – Kotzias.

“Ministria e Punëve të Jashtme e Republikës së Shqipërisë shpreson se deklarata e djeshme, e cila në asnjë mënyrë nuk mund të shihet si qëndrim i një autoriteti që ushtron garanci morale apo kanonike mbi Kishën ortodokse autoqefale shqiptare dhe besimtarët e saj, do të mbetet vetëm një insinuatë e izoluar në zhvillimin e mëtejshëm të marrëdhënieve shqiptaro-greke”-përfundon Dervishi.

Kujtojmë se ditët e fundit ka patur një debat dhe reagime të ndryshme me pretendimin se po bëhen ndërhyrje në kishën e Shën Athanasit në Dhërmi, ku më pas kanë reaguar edhe Kisha Ortodokse Shqiptare. Në një reagim të datës 21 gusht, Kisha Ortodokse Shqiptare pretendoi se është dhunuar përsëri kisha e Shën Athanasit.(AA)

22 Gusht 2015

Lajme

Dënohen me burg të përjetshëm disa kundërshtarë të grushtit të shtetit në Egjipt

nga Shekulli Agency 22 Gusht 2015

Kryetari i Këshillit Udhëzues të Vëllazërisë Muslimane (Ihvan) Muhammed Bedii dhe 18 të pandehur të tjerë të gjykuar për çështjen e njohur si “bastisja e komisariatit” dënohen me burg të përjetshëm.

Në Egjipt, kryetari i Këshillit Udhëzues të Vëllazërisë Muslimane (Ihvan) Muhammed Bedii dhe 18 të pandehur të tjerë të gjykuar për çështjen e njohur si “bastisja e komisariatit” dënohen me burg të përjetshëm.

Sipas informacioneve të marra nga burimet gjyqësore mësohet se gjykata penale Port Said në seancën e mbajtur në ndërtesën e akademisë së policisë në kryeqytetin Kajro me arsyetimin për “nxitje në bastisjen e komisariatit” ka dhënë dënim me burg për jetë ndaj 19 personave ku mes tyre gjenden Muhammed Bedii, kryetari i Këshillit Udhëzues të Vëllazërisë Muslimane (Ihvan), Safvet Hicazi një prej liderëve të Aleancës Kombëtare për të mbështetur legjitimitetin dhe kundërshtuar grushtin e shtetit, Muhammed el-Biltaci, sekretari i përgjithshëm i partisë Liri dhe Drejtësi (HAP) e cila është mbyllur. Theksohet gjithashtu se në çështjen ku gjykohen 191 të pandehur mes personave të dënuar me burgim të përjetshëm ndodhen edhe emra kryesorë të Vëllazërisë Myslimane (ihvan).

Gjykata gjithashtu në kuadër të të njëjtës çështje të gjykimit për 76 të pandehur të tjerë ka dhënë masën e dënimit me burg të përjetshëm në mungesë, ndërsa ndaj 28 të tjerëve dënimin me 10 vite burg si dhe ka liruar 68 persona.

Theksohet se më 23 janar 2013 një sulm u ndërmor ndaj qendrës së policisë El-Arab në qytetin Port Said në verilindje të Egjiptit dhe në ngjarje humbën jetën 5 persona,

22 Gusht 2015

Lajme

Turqia në 13 muaj thith 34 miliardë dollarë

nga Shekulli Agency 22 Gusht 2015

Turqia vazhdon të thithë nga lëvizja e kapitalit në botë, vetëm në 13 muajt e fundit ka thithur 34 miliardë dollarë, sipas “CrossBorder Capital” me seli në Londër.

Brenda 13 muajve të fundit në tregjet në zhvillim është regjistruar një lëvizje kapitali me vlerë 1,17 trilionë dollarë. Turqia edhe në këtë periudhë ka vazhduar të thithë kapital të huaj.

Drejtori i CrossBorder Capital me seli në Londër, Howell, thotë se kapitali ka vazhduar të rrjedhë në një mënyrë interesante drejt Turqisë.

Howell flet me lëvdata për kapitalin neto që ka hyrë në Turqi gjatë 13 muajve të kaluar. Në këtë periudhë Turqia ka arritur të thithë rreth 34 miliardë dollarë.

22 Gusht 2015

Opinion/Analiza

Imamët njerëzit më të besueshëm

nga Shekulli Agency 22 Gusht 2015

Shkruan Hoxhë Dr. Shefqet Krasniqi

Nuk do mend se imamët janë njerëzit më të besueshëm. Këtë fakt e pranojnë pothuajse të gjithë, përfshirë ateistët, më herët edhe komunistët, e dikur këtë e pranonin edhe rankoviqët. Këtë fakt nuk duan ta pranojnë vetëm disa njerëz kryeneç që pretendojnë të jenë ‘laikë’ kurse veprojnë me mendësinë e neo-komunistëve, të cilët duke pasur një çik pushtet në dorë po mendojnë se janë gjithçka. Po mendojnë se siç e kanë zaptuar pushtetin me rrena e dallavere, po ashtu mund të depërtojnë edhe në mendjen dhe zemrat e njerëzve, e të bëhen njerëzit me më ndikim e më të besueshëm. Mirëpo, ja që matematika politike nuk po funksionon njësoj në jetën reale.

E kam potencuar sa e sa herë, se imamët dhe prijësit e fesë, jo vetëm tani, por gjithmonë përgjatë historisë njerëzore kanë qenë njerëzit më të besueshëm tek masa e gjerë. Andaj çdo pushtet, koloni apo qeverisje gjithherë i ka pasur në konsideratë këtë kategori njerëzish duke u munduar që t’i bëjë për vete e të përfitoj nga ta, jo se i duan, asnjëherë, por për shkak se ua dinë peshën dhe ndikimin që kanë në popull apo shoqëri. Kështu vepronin të gjitha ish-pushtetet e instaluara dikur në Kosovë, si Mbretëria Serbo-Kroate-Sllovene para dhe pas Luftës së Parë Botërore. Po ashtu edhe rankoviqët gjatë viteve të pesëdhjeta, pas Luftës së Dytë Botërore. Kështu kanë vepruar edhe komunistët e Titos e të tjerët më radhë.

Kështu vepron pothuajse e tërë bota, përpos diktaturës së Enver Hoxhës dikur në Shqipëri, hapave të së cilës duket se po ecën edhe qeveria kosovare, e cila më së paku ju beson hoxhallarëve dhe më së paku bashkëpunon me ta. Ta them të vërtetën kjo në njëfarë mënyre neve na bënë nder, së paku mua personalisht, sepse bashkëpunimi me njerëz sikur qeveritarët tanë është mjaft i vështirë, për të mos thënë i pamundur. Kjo sepse ata më së paku interesohen për vendin dhe shtetin e tyre. Personalisht nuk do t’i qasesha kësaj tematike po të mos më bënte përshtypje një raport i gazetës prestigjioze gjermane “Frankfurter Allgemeine Zeitung”. Kjo gazetë publikoi një hulumtim të kryer rreth emigrimit të rinisë së Ballkanit drejtë vendeve evropiane, duke vënë në krye të listës se ata që më së shumti duan t’ia kthejnë shpinën atdheut janë shqiptarët nga Kosova dhe Shqipëria. Gazeta gjermane mundohet t’i cekë edhe shkaqet e ikjes së të rinjve nga vendet e Ballkanit, e që natyrisht shkaku kryesor është kërkimi i një jete më të mirë diku në Evropë.

Në mes tjerash gazeta “Frankfurter Allgemeine Zeitung” duke iu referuar studimit të Fondacionit “Friedrich Ebert” shkruan: “Prej të gjithë të rinjve të anketuar në Europën Juglindore kosovarët e rinj janë larg më konservatorët. Më së shumti besim ata kanë ndaj ‹liderëve fetarë›, për shembull imamëve”. Këtë fjali shumë të vogël të kësaj gazete, që në fakt është në kontekst të hulumtimit e jo në theks të veçantë, disa medie tona e vunë si kryetitull të atij hulumtimi të kryer nga Fondacionit “Friedrich Ebert”. Kjo në fakt më befasoi për të mirë duke me mbjellë përshtypjen sesa objektiv janë të huajt e sa të hutuar janë disa të vetëquajtur analistë e hulumtues nga mesi ynë. Ky është një realitet që nuk ka asgjë për tu habitur. Ani pse disa qarqe sikur po përpiqen ta radhisin këtë fakt brenda gjërave negative e jo të mira për shoqërinë tonë. Në veçanti kur kemi në konsideratë se gazeta lokale që këtë fakt e kishte vendosur si kryetitull është shumë e njohur si kundër islame dhe çdo gjëje që ka të bëj me muslimanët.

Mu për këtë, vendosa t’i shkruaj këta rreshta për të riafirmuar edhe një herë se hulumtimi gjerman është vërtetë shumë objektiv dhe real. Ai nuk flet vetëm për vendorët por edhe për ndërkombëtarët, duke potencuar se imazhi i ndërkombëtarëve në sytë e kosovarëve të rinj është ‘në fund të pusit’. Ky raport edhe një herë po vërteton atë që kemi potencuar sa e sa herë se imamët janë njerëzit më të besueshëm dhe si të tillë, me lejen Zotit, do mbesin deri në kiamet. Përkundër përpjekjeve të shumta të qeveritarëve tanë, bashkëpunëtorëve të tyre, disa medieve e disa qarqeve tjera për ta ulur ndikimin apo për të nënçmuar personalitetin e figurës së hoxhës apo imamit, influenca e këtij personaliteti falë Zotit vetëm sa po rritet.

Raporti apo studimi në fjalë vetëm sa e dëshmoi këtë fakt pa dashur të anoj as pro e as kundër imamëve. Këtë e kanë dëshmuar edhe shumë anketa vendore për personalitetet më me ndikim në rajon, e dëshmojnë edhe klikimet dhe shikimet e emisioneve apo debateve nëpër yuotube e rrjete tjera sociale. Ndaj, edhe njëherë ftoj secilin udhëheqës, lider politik apo i shoqërisë civile, që ta masë përformancën e vet me shikimet dhe interesimet e popullit për të. Bëhuni origjinal dhe mundohuni ta rrisni shkallën tuaj të besueshmërisë e ndikimit e mos u mundohuni të ulni ndikimin dhe popullaritetin e tjetrit, qoftë ai rival politik apo figurë fetare. Mua nuk me bezdis aspak as popullariteti e as ndikimi i dikujt, përkundrazi unë kënaqëm kur shoh njerëz me ndikim dhe popullaritet në vendin tim, ndaj në këtë le të garojmë e ta shohim më pas rezultatin.

Personalisht nuk kam pranuar e as që pranoj të ngritëm duke shkel tjetrin, për këtë i porosisë të gjithë, le të jetë secili prej nesh vetvetja e mos të bëjmë lojëra fëmijësh, ani pse na janë thinjur flokët. Zoti mos e dhëntë me u lavdëruar me ndikimin dhe përkrahjen që kam në popull, përkundrazi njerëzve u jam mirënjohës dhe shpresoj që edhe hoxhallarët tjerë të kenë ndikim, por edhe njerëzit udhëheqës. Megjithatë, realiteti po e dëshmon se ky popull është popull fetar, e do fenë dhe i beson prijësve fetarë, më shumë sesa atyre politik, andaj këtu nuk ka asgjë të keqe. Përkundrazi le të mësojnë ata që udhëheqin me këtë popull që të jenë sa më afër popullit, tu përgjigjën kërkesave të tyre dhe të ua përmirësojnë kushtet për jetesë. Më këtë u garantoj se fama, ndikimi dhe popullariteti i tyre do të rritën dukshëm. Le të shikojnë në lidhje me këtë modestinë, drejtësinë dhe karizmin e udhëheqësve politik, meshkuj apo femra qofshin, në rajon e më gjerë. Le ta kuptojnë njëherë e përgjithmonë se populli e do vetëm atë që e do popullin dhe interesohet për mirëqenien e tij.

Zoti e drejtoftë parinë tonë në veçanti, po edhe popullin në përgjithësi. Amin

22 Gusht 2015

Lajme

Nuk është i vërtetë lajmi për policin e therrur nga emigranti

nga Shekulli Agency 22 Gusht 2015

Informacioni i publikuar në GevgelijaNet, dhe i përcjell nga më shumë portale, sipas së cilës mbrëmë një emigrant ka ther një polic, doli e pasaktë.

Nga MPB për Libertas deklaruan se nuk ka të paraqitur ngjarje ku emigranti ka ther me thikë një polic.

GevgelijaNet publikoi një lajm të ri, sipas të cilit polici është lënduar pasi që iu është afruar mburojës për mbrojtje tek palmat e larta.

“Gjatë vrapimit në hapësirën te parku në afërsi te hekurudhës, përfaqësuesi i policisë është lënduar tek mburoja për mbrojtje nga emigrantët. I lënduar ai është rrëzuar për toke, pas së cilës ka ardhur ndihma e shpejtë nga Spitali i përgjithshëm në Gjevgjeli. Policit iu është dhënë ndihmë mjekësore”, shkruan ndërmjet tjerash portali.

22 Gusht 2015

Reflektim

Akuza dhe faktet/ Ja si ma vodhen pronën Ardjan Takaj i Skënderbeut dhe Gëzim Kalaja i sindikatave

nga Shekulli Agency 22 Gusht 2015

Isa Bylykbashi është një nga pjesëtarët e familjes Muhamet Myshqeta, ku trashëgimtarë të Muhamet Mysheta, sot janë 26 familje. Edhe pse zotërojnë të gjitha dokumentat e origjinës, për prona të patundshme, sipas pohimeve Isa Bylykbashit për gazetën “Telegraf”, këta trashëgimtarë nuk mundin të marrin dot pronën e tyre, sot Tropikal Resort, pasi ajo është tjetërsuar nëpëmjet falsifikimeve të dokumentave dhe se institucionet shtetërore, në mënyrë flagrante duke shkelur ligjin, japin vendime në favor të fallsifikuesve.

Isa Bylykbashi në një rëfim e tij, zbardh edhe skemën e mashtrimit e të fallcifikimit që u është bërë tjetërsimit të pronave të familjes Myshqeta, ku së pari, paraqet një konfirmim pronësie të Komisionit të Kthimit dhe Kompesimit të pronave, lëshuar nga Zyra e Rregjistrimit të pasurive Durrës me numër prot. 89 datë 16.06.2003, lëshuar nga rregjistruesi Alush Xhihani për 9 prona, prej të cilave, ende nuk ka marrë asnjë.

Madje, për pronën që pretendon, Kampin e Pionierëve në Durrës, Isa Bylykbashi, ka edhe tapinë e pronës të vitit 1931, kjo e lëshuar nga Drejtoria e Adminsitrimit dhe Mbrojtes së Tokës, në datën 29.07.2010, ku dëshmohen qartë kufijtë, dhe kjo tapi e vitit 1931 është në shqip dhe në turqishten e vjetër. Edhe drejtori i Përgjithshëm i AKPP Elvis Çefa, në datën 7.12.2010 çuditërisht lë në fuqi vendimin 266 të dytë të ZRKK të Pronave të Durrësit, duke shpërfillur ligjin, që nuk i jap asnjë competence ZRKK TË Pronave që të marrë vendim të dytë, për të njëjtën çështje.

Tjetërsimi dhe falçifikimi i pronave nga sindikata e Bashkuar e Minatorëve dhe Gjeologëve

Sipas një vendimi të presidentit të Shqipërisë, në vitin 1992 dhe 1994, sindikatave të Shqipërisë iu dhanë në përdorim disa prona të deriatëhershme të shtetit, në përdorim, pa të drejtë tjetërsimi. Kështu, sindikata e Minatorëve dhe Gjeologëve me kryetar Gëzim Kalaja në 1994 kanë hipotekuar, si pronë të tyre me në hipotekën e Durrësit, me numër 4751 datë 18.05.1994 Kampin e Pionevrëve në Durrës, dhe më e çuditshmja që është e kundërligjshme, është se sipas vërtetimit hipotekor, origjina e rregjistrimit të kësaj pasurie të patundshme që merr kjo sindikatë shkruhet se është…shteti. Pra, sindikata hipotekon si pronë të saj të patundshme, një pronë që shteti ia dha për qëllim përdorimi, pa të drejtë tjetërsimi. Këtu fillon tjetërsimi i pronave nga sindikata e Gëzim Kalasë, me dokumenta të fallcifikuara. Dh gezim kalaja e në 1995 Sami Karriqi, në emër të kësaj sindikate bën aktin e shitjes të Kampit të Pionierëve pronarit “Tropikal”, thua se kjo pronë ishte e sindikatës. Kështu, në rregjistrin hipotekor më numër 6089 datë 21.02.1995, Kampi i Pionierëve në Durrës kalon në pronësi të shoqërisë “Tropikal” dhe se origjina e rregjistrimit të pasurisë së patundshme këtu figuron numri I hipotekës 4751, të datës 18.05.1994, domethënë kur sindikata ka hipotekuar nga shteti si pasuri të saj Kampin e Pionierëve të dhënë në përdorim. Askush, deri më sot, nuk ka hetuar mashtrimet e falcifikimet sesi është hipotekuar si pronë e patundshme e Sindikatës të Gëzim Kalasë e Sami Karriqit, prona që iu dha në përdorim nga shteti me vendim presidencial në 1992. Ndoshta korrupsioni ka lyer të gjitha ingranazhet e shtetit, që tjetërsimi i pronave me mashtrime e falcifikime të mos hetohet kurrë.

ZRKPP në Durrës, ia njeh pronën e Kampit të Pionierëve familjes Myshqeta, por pas 3 muajsh e çvlerëson vendimit

Zyra Rajonale e Kthimit dhe Kompesimit të Pronave në Durrës, merr vendime skandaloze, duke shkelur në mënyrë flagrante ligjin. Kështu në datën 25.06.2007 ZRPP Durrës me drejtor Klodi Benja, vendosë që t’i njohë të drejtën e pronësisë familjes Myshqeta, në bazë të nenit 6 të ligjit 9235, datë 29.07.2004 dhe kthimin në natyrë trashëgimtarëve për pronën me sipërfaqe 81.562 m2. Mirëpo çuditërisht, po ky drejtor i ZKKP në Durrës, Klodi Benja, në datën 28.09.2007 me numër vendimi 266 në2, që të mos ia njohë më të drejtën e pronësisë të Kampit të Pionierëve në Durrës familjes Myshqeta, duke e bazuar këtë vendim po në bazë të të njëjtin ligj, që 2 muaj më parë ia njohu. Interesant. Po drejtori i ZKPP në Durrës, Bledi Benja, ka shkelur edhe ligjin, sepse si ZKPP nuk mund të marrë 2 vendime për të njëjtën çështje, pasi duhet institucion tjetër, që të anullojë e ndryshojë vendimin që ka marrë njëherë ZKPP.

KLSH zbardh fallsifikimin e pronësimit

KLSH në saj të një auditimi që ka bërë për të parë sa është zbatuar ligji në lidhje me pretendimin e familjes Myshqeta, për tjetërsimin e pronave te Kampi i Pionierëve në Durrës, në datën 10.03.2015 i kthen përgjigje Musa Bylukbashit, duke zbardhur skemën e shkeljes së ligjeve, për tjetërsimin e pronave. KLSH në auditimin e saj thotë:

Të gjitha veprimet e evidentuar më lart, si kontrata për themelimin e shoqërisë “Tropikal” shpk, shitja e pronave të sindikatës Adrian Takes, vijnë në kundërshtim me ligjin nr. 8340/1 datë 5.6.1998 “Për rregjillimin e pasojave që kanë rrjedhur nga zbatimi I dekretit nr.204 datë 5.6.1992 “Për pasusinë e sindikatave:,, mbasi tjetërsimi i pronave të sindikatave nuk mund të bëhet para vitit 2020, në zbatim të Dekretit dhe ligjit.

Shkeljet e ligjit nga ZVRPP Durrës: Në kartelat e pasurive të palujtëshme nuk është firmosur nga specialist që ka përpunuar praktikën, Nuk ka datë të lëshimit të certifikatës, Katelat nuk janë vulosur e firmosur nga rregjistruesi. Shoqëria “Tropikal” shpk, si palë porositëse është përfaqësuar nga Adrjan Takaj, në cilësinë e administrattorit në praktikën e rregjistrimit mungojnë: Çerfitikata e pronave e cliësisë të materialeve të përdorura, Çertifikata e pronësisë mbi truallin.

Takaj i mbytur ne borxhe/ Bankat nxjerin ne shitje Tropikal Resort

22 Gusht 2015

Reflektim

FOTOT/ Pushimet e mrekullueshme në Greqi dhe mizerja e pushimeve shqiptare

nga Shekulli Agency 22 Gusht 2015

Nga Blendi Salaj

Te mrekullueshme keto studiot e pushimit ne Greqi.

Dhoma te pastra, oborre te gjelberta, plazhe te vegjel me uje kristal.

Nuk eshte natyra me e bukur, as Wi-Fi me i forte por rregulli, harmonia e ndertimeve, ruajtja e hapesirave, mungesa e zhurmes qe e sfidojne vec gjinkallat.

Cmime te arsyeshme, mikpritje e kultivuar ne vite, jane ato qe bejne ndryshimin.

Keto na duhen, gjera te thjeshta qe te zevendesojne shfrytezimin qorr te bregdetit tone, qe do vuaje gjate faje te bera me shpejtesine e atij qe mendon vetem per sot.

Para dy javesh isha ne Himare dhe rrotull andej, ku bukuria e pamohueshme e natyres perzihet me rremujen, rendjen per te ndertuar “hotele” ku i vetmi sherbim eshte catia mbi koke.

Nje ndertese e kuqe, nje e verdhe, nje e palyer.

Nje me cati, nje me tarrace, nje me hekurat perpjete me shpresen per nje kat me shume (a dy) mot.

Nje e mbaruar, nje ne themel, nje me beton, nje me tulle, nje me gure.

Dy njesoj, kurrre! Rremuje pamore, rremuje akustike, rremuje mendore.

Sherbimi, me i miri; mesatar.

Keto i shkruaj pa kenaqesi, shkurt si nen cader, me telefon.

Sepse kjo tema e turizmit bregdetar ne Shqiperi hapet cdo vere.

E dua shumë Shqipërinë, por kur dëgjoj njerëz të thonë se kemi bregdetin më të bukur në botë, mendoj se, dukshëm, këta nuk janë familjarizuar me hartën e Botës.

Fundja, nuk ka nevoje te jete perle cdo vend, mjaft te ofroje mundesine per te pushuar.

Pa vramendje se mos ikin dritat, a ku do gjejme parkim, a ndonje vend ku hahet… hahet.

Mbreme ketu ne Greqi ra qeveria, por pushimet vazhdojne njesoj.

22 Gusht 2015

Bota

Pajtohen Prishtina e Beogradi në lidhje me “Zajednicën”

nga Shekulli Agency 22 Gusht 2015

Delegacionet e Beogradit e të Prishtinës i kanë harmonizuar qëndrimet. Të punësuarit në Asociacionin e Komunave serbe zyrtarisht do të quhen “të punësuar në sektorin publik” (civil servants – shërbyes civilë), merr vesh gazeta serbe Politika nga qarqe diplomatike në Bruksel.

Është arritur pajtimi që AKS të ketë kompetenca ekzekutive në fushat që tash i kanë komunat në Kosovë, siç janë punët infrastrukturore e komunale dhe mbikëqyrje në fushën e shëndetësisë e të shkollimit.

Ky plan ka marrë edhe përkrahjen e BE-së dhe pritet që të mërkurën e ardhshme në Bruksel marrëveshjen ta nënshkruajnë kryeministri i Serbisë, Aleksandar Vuçiqi, dhe kryeministri i Kosovës, Isa Mustafa.

Dy delegacionet kanë qenë afër marrëveshjes më 29 korrik në Bruksel, por kryeministri i Kosovës Isa Mustafa kishte kontestuar propozimin e Serbisë që të punësuarit në AKS të jenë “nëpunës shtetërorë”, transmeton Koha.net.

Pas këtij kundërshtimi, Beogradi kishte propozuar që nëpunësit e AKS-së të quhen “të punësuar në sektorin publik”. Këtë propozim e përkrahu Brukseli ndërsa gazeta serbe shton se pas presioneve konstante të BE-së dhe të ShBA, pala shqiptare e pranoi propozimin.

Drejtori i Zyrës për Kosovën në Qeverinë e Serbisë ka theksuar se në bisedime me Prishtinën janë harmonizuar shumë çështje dhe ka shtuar se kanë mbetur edhe dy-tri gjëra për t’u marrë vesh. Ai nuk ka treguar cilat janë këto gjëra për të cilat do të bisedohet më 25 gusht.

22 Gusht 2015

Lajme

Turqi, terroristët e PKK sulmojnë një stacion policorë me raketa, një ushtarë i vrarë

nga Shekulli Agency 22 Gusht 2015

Të paktën një ushtarë turk është vrarë dhe katër të tjerë u plagosën në sulmin terrorist mbi stacionin policorë në Meytussebap të qytetit Sirnak në juglindje të Turqisë.

Të paktën një ushtar turk ka mbetur i vrarë dhe katër të tjerë u plagosën në një sulm terrorist ndaj një stacionit të policie në Meytussebap, në qytetin juglindor turk, Sirnak.

Sipas informacioneve të marra nga gazetari i AA, terroristët e PKK me raketa-hedhës sulmuan një stacion policie në Meytussebap.

Ali Alkan, me gradën e kapitenit, u plagos rëndë në sulm dhe me shpejtësi u dërgua në spital, ku edhe humbi jetën. Nga sulmi u plagosën katër ushtarë të tjerë, të cilët u dërguan për trajtim mjekësor në spital.

Ushtria turke pas sulmit filloi një operacion të gjerë me mbështetje dhe nga ajri.

22 Gusht 2015

Postime më të reja

Postime më të vjetra