Takimi i Donald Trumpit dhe Angela Merkelit në Shtëpinë e Bardhë me sa duket nuk ka qenë aspak i këndshëm, të paktën sipas informatave të fundit që kanë rrjedhur në publik. Presidenti i SHBA-ve do të përpiqet të nxjerrë nga Gjermania rreth 350 miliardë dollarë. Gazeta britanike “Sunday Times”, tha se Trump beson se këtë shifër Gjermania ia ka borxh NATO-s dhe Shteteve të Bashkuara, por thuhet se kancelarja gjermane do të injorojë plotësisht një përpjekje të tillë të Trumpit, transmeton KosovaPost.
Presidenti amerikan dyshohet ka shtypur një lloj të “faturës”, e cila i është paraqitur kancelares Angela Merkel, në takim me Trumpin në Shtëpinë e Bardhë. Shuma e faturës e cila është përcaktuar nga bashkëpunëtorët e Trumpit ku pretendohet se Gjermania i ka borxh aleancës ushtarake, e cila duhet të mbulojë kontributet e papaguara për mbrojtjen.
Sipas “The Independent”, fatura i është paraqitur kacelares Merkel gjatë bisedave private me Presidentin e Shteteve të Bashkuara, pas së cilës lëvizjet e tilla të Trumpit janë kritikuar nga liderët dhe zyrtarët e Gjermanisë e NATO-s.
Sipas llogaritjeve shuma e këtij borxhi llogaritet të jetë 350 miliardë euro, me 288 miliardë që i takojnë borxhit, ndërsa pjesa tjetër është kamata. Ministri i paidentifikuar i qeverisë gjermane për “The Sunday Times” e quajti këtë veprim të Trumpit skandaloz.
/KosovaPost/