Nënkryetari i Këshillit të Sigurimit të Rusisë, Dmitry Medvedev, tha sot se Moska mund të përdorë e para armë bërthamore në rast të ndonjë agresioni kundër saj ose aleatëve të saj.
Kundërshtarët nuk duhet të nënvlerësojnë vendosmërinë e Rusisë, tha Medvedev, i cili gjithashtu shërbeu si president i Rusisë në periudhën 2008-2012, gjatë një maratone arsimore në Moskë të quajtur “Dituria”, një platformë për diskutime të hapura midis të rinjve dhe përfaqësuesve të qeverisë.
I pyetur në lidhje me ndryshimet klimatike, Medvedev u përgjigj: “Vërtet ju intereson klima kaq shumë? Për mendimin tim, kjo nuk është asgjë në krahasim me perspektivën për të qenë në epiqendrën e një shpërthimi me një temperaturë prej 5.000 Kelvin (shkallë). A ka një perspektivë të tillë sot? (Fatkeqësisht,) po, dhe ajo po rritet çdo ditë për arsye të njohura”, tha ai.
Bota moderne është “e sëmurë” dhe lufta botërore është e mundur, por ende mund të shmanget, deklaroi ai.