Kremlini e ka quajtur “imperialiste” strategjinë e re nacionale të sigurisë të presidentit amerikan Donald Trump, por i lavdëroi Shtetet e Bashkuara të Amerikës (SHBA) për shkak të gatishmërisë që të bashkëpunojnë me Rusinë në sferat e interesit të përbashkët.
Strategjia, e cila u bë publike të hënën, thuhet të jetë më e ashpër ndaj Rusisë sesa që Trump këtë e bënte në paraqitjet publike. Rusia akuzohet se përdor “masa subversive” për të dobësuar kredibilitetin e Amerikës dhe qeverive evropiane.
Zëdhënësi i presidentit rus Vladimir Putin, Dmitry Peskov, tha të marten se përmendja e Rusisë ka goditur Moskën si “imperialiste” dhe tregoi “armiqësi në botën shumëpolare”.
Megjithatë, Peskov tha se Moska është e inkurajuar me thirrjet për bashkëpunim me Rusinë në sferat që mund të jenë të dobishme për SHBA-të.
Javën e kaluar Putin dhe Trump zhvilluan dy herë bisedë telefonike.