Presidenti francez, Emmanuel Macron, për sa i përket emërimit të ministrave dhe menaxhimit të krizës është nën ndikimin e ish-presidentit të Francës, Nicolas Sarkozy.
Siç pretendon gazeta “Le Figaro”, Macron shpesh këshillohet me Sarkozy dhe tregon se Sarkozy deklaroi se ai nuk i jep rekomandime Macronit, por i tregon si do të vepronte po të ishte në vendin e tij.
“Nuk do të bëja asgjë që do të thellonte krizën në Francë”, tha Sarkozy, i cili paralajmëroi Macronin se francezët nuk do të jenë të kënaqur me reformën e sistemit pensional.
Lajmet e publikuara në “Le Figaro” theksojnë se kryeministri Jean Castex, ministri i Punëve të Brendshme, Gerald Darmanin, ministrja e Mjedisit, Roselyne Bachelot dhe ministri i Drejtësisë, Eric Dupond-Moretti, janë emëruar me ndikimin e ish-presidentit Sarkozy.
Një deputet republikan (LR) thuhet të ketë deklaruar se Macron i beson Sarkozy-t.
“Kjo për Sarkozy nuk është pengesë. Bëhet fjalë për besim të ndërsjellë”, tha deputeti i LR-së.