Rusia tha se një delegacion i Ministrisë së Mbrojtjes do të vizitojë Armeninë për të diskutuar tërheqjen e paqeruajtësve të saj nga rajoni azerbajxhanas i Karabakut.
“Një delegacion i Ministrisë ruse të Mbrojtjes do të vizitojë Jerevanin sot. Në takimin me palën armene, do të diskutohet koha specifike e tërheqjes së kontingjentit paqeruajtës rus nga Nagorno-Karabaku”, tha agjencia shtetërore ruse e lajmeve TASS duke cituar një burim diplomatik.
Kontingjenti paqeruajtës rus në Karabak ishte vendosur në rajon në bazë të një marrëveshjeje armëpushimi të nënshkruar nga krerët e Azerbajxhanit, Armenisë dhe Rusisë më 9 nëntor 2020.
Forcat u dislokuan për pesë vjet, me një zgjatje automatike për një periudhë tjetër pesëvjeçare nëse asnjëra nga palët nuk kundërshtonte.
Rusia të enjten tha se filloi tërheqjen e paqeruajtësve nga Karabaku, ndërsa presidenti Vladimir Putin deklaroi se forcat ishin të mandatuara vetëm për të monitoruar respektimin e armëpushimit.
Ai tha gjithashtu se kur Armenia këtë verë e njohu Karabakun si territor të Azerbajxhanit, Baku ngriti pyetjen për praninë e mëtejshme të kontingjentit paqeruajtës.