Nga Skënder Sadri KAPITI
Ka ardhur tashmë koha, pavarësisht se shumë vonë, por ka ardhur koha që Europa , BE-ja duhet të reflektojë. Duhet që t’i antarësojë Shqipërinë dhe e Kosovën në BE, dhe stop planeve ruso-serbe dhe të Edi Ramës për ndarjen e Kosovës, dhe të thotë jo për “Open Ballkan”.
A nuk po e shikoni se Serbia e Rusia janë një, janë armiq të Europës, Perendimit dhe të shqiptarëve.
Ndarja e Kosovës i shërbern Serbisë së Madhe, ashtu sikurse luftrat në Gjeorgji, pushtimi i Krimesë dhe Ukrainës i shërbejnë Rusisë së Madhe. Vetëm Serbia është me Rusinë kundër Ukrainës , dhe Rusia është pro Serbisë. Dhe me Serbinë, Rusia ka bërë planet për ndarjen e Kosovës dhe për “Open Ballkan”, për të dalë në Adriatik Serbia ,pasi aty ku është Serbia, aty është edhe Rusia.
Pse BE nuk hap negociatat me Shqipërinë; pse 5 shtete të BE-së dhe as Vatikani nuk e njohim akoma Kosovën, dhe pse nuk e antarësoni Kosovën në NATO, dhe pse BE nuk i liberalizon vizat për qytetarët e Kosovës, por e mban atë të izoluar?!
Tani Perëndimi dhe BE duhet të reflektojnë. Tani që Rusia sulmoi Ukrainën, a po ndërgjegjsohet tani më në fund BE-ja , dhe a po e kuptojnë më në fund europianët atë se shqiptarët në Ballkan janë pengesë dhe kundër këcënimit rus ndaj Europës?
A e morën vesh tani europianët se kush janë rusët e serbët, dhe se kush janë kërcënim për Europën?!
Por shikohet se BE e ka lënë deri tani vetëm edhe Ukrainën në përballje me Rusinë pushtuese, sepse ata shohin vetëm interesin e vet, kanë frikë apo edhe nuk duan të “prishen” as me rusët për Ukrainën ashtu sikurse as edhe nuk duan të “prishen” as me serbët për Kosovën.
A po e kuptojnë tani europianët dhe a e pranojnë gabimin e rëndë me pasoja tragjike që Europa u ka shkaktuar shqiptarëve në vitin 1913, kur e coptoi Shqipërinë dhe ua dha trojet shqiptare sllavëve, serbëve dhe grekëve?
Pse Europë dhe BE vazhdoni akoma me shqiptarofobi për faktin se shqiptarët janë populli autokton dhe më i vjetër i Europës?
Pse pra i mbani shqiptarët, popullin më proeuropian, jashtë dhe larg dyerve të BE-së?!
Pse ju europianë tregoheni kaq hipokritë e djallëzorë me shqiptarët, kini prej 30 vitesh që vetëm sa “këshilloni” e vendosni kusht pas kushtesh pengesash e bllokimesh ndaj shqiptarëve si justifikime për të mos i integruar shqiptarët në BE, dhe u coni kështu sinjale serbëve e rusëve se BE nuk është pro shqiptarëve.
Interesoheni me të drejtë për rrezikun ruso-kinez në Ballkan, por ama shqiptarët nuk i antarësoni në BE dhe as nuk i armatosni ashtu sikurse para njëqind viteve që Ju Europa në Londër ua dorëzuat trojet shqiptare Serbisë, Sllavisë e Greqisë.
BE mos e leni vetëm Ukrainën europiane, sepse edhe ajo u sulmua nga Rusia pse donte të antarësohej në NATO dhe në BE; gabuat që nuk e armatosët, dhe as nuk po e ndihmoni sa duhet atë përballë agresionit rus.
Dhe pse nuk e pranoni akoma as superfuqinë e dytë të NATO-s Turqinë si antare të BE, por vetëm sa e doni Turqinë kundër kërcëmit rus.
Gjithmonë Europë mbete e pasinqertë ndaj shqiptarëve.
Ju BE pse bëni sikur nuk e dini se pengesa për ekspansionin sllavo-rus në Ballkanin Perendimor janë Shqipëria, SHBA dhe Turqia, dhe këtu kur themi Shqipëria kuptohet dhe përfshihen edhe Kosova dhe të gjithë shqiptarët kudo që janë në trojet shqiptare dhe në diasporë. Dhe pse Ju BE-ja që mbaheni si kampion lirish e të drejtash njerëzore, pse nuk i pranoni akoma shqiptarët në BE dhe po ashtu as Turqinë, apo mos vuani akoma nga islamofobia dhe nga mentaliteti fanatik kryqtaro-mesjetar?
Dhe sot në rajon dhe më gjërë askush më shumë se sa shqiptarët , Shqipëria dhe Kosova nuk janë më pro SHBA-ve, NATO-s e BE-së në mbështetje të Ukrainës dhe kundër pushtimit rus.
Prandaj gjithmonë nga perendimi, vetëm SHBA-të janë aleat i madh e besnik i shqiptarëve për sigurinë kombëtare, për Shqipërinë e Kosovën , për zhvillimin e integrimin, sepse SHBA janë mbështetësit e shqiptarëve edhe për integrimin dhe antarësimin e Shqipërisë e Kosovës në BE.