Ish-ministrja e Jashtme e Suedisë, Ann Linde deklaroi se Türkiye është e ekspozuar seriozisht ndaj sulmeve terroriste dhe se vendet e tjera, përfshirë Suedinë, nuk e morën seriozisht këtë situatë.
Linde, pikëpamjet e së cilës u përfshinë në dokumentarin “Processen” të televizionit shtetëror suedez SVT, i cili mbulon procesin e aplikimit të vendit për anëtarësim në NATO, tha se Türkiye ka të drejtë në diskursin e saj mbi terrorizmin.
“Mendoj se Türkiye është e ekspozuar seriozisht ndaj sulmeve terroriste dhe vendet e tjera, përfshirë ne, nuk po e marrin seriozisht”, tha Linde.
Duke thënë se organizata terroriste PKK/YPG ka burime financiare në Suedi, Linde tha: “Presidenti Erdoğan ka të drejtë të kritikojë burimet financiare. Kjo i jep të drejtën Erdoğan-it të kritikojë dështimin e Suedisë për të marrë seriozisht kërcënimin nga PKK, e cila klasifikohet si terroriste”.
Ann Linde shërbeu si ministre e Jashtme e Suedisë në qeverinë socialdemokrate nga 10 shtatori 2019 deri më 17 tetor 2022. Suedia aplikoi për anëtarësim në NATO më 18 maj 2022, gjatë periudhës së Linde-s.