Në SHBA, deficiti i llogarisë rrjedhëse u rrit me 34,8 për qind vitin e kaluar në 647,2 miliardë dollarë, niveli më i lartë i regjistruar që nga viti 2008, si pasojë e pandemisë së koronavirusit të ri (COVID-19).
Departamenti i Tregtisë i SHBA-së publikoi të dhënat e bilancit të llogarisë rrjedhëse për periudhën tetor-dhjetor të vitit 2020.
Sipas kësaj deficiti i llogarisë rrjedhëse të vendit u rrit me 4,2 për qind në tremujorin e katërt të vitit të kaluar krahasuar me tremujorin para saj duke arritur në 188,5 miliardë dollarë.
Deficiti i llogarisë rrjedhëse pritej të ishte 189,9 miliardë dollarë.
Shifra prej 188,5 miliardë dollarëve ishte pak më poshtë pritjeve të tregut në periudhën e përmendur, por arriti nivelin më të lartë të regjistruar që nga tremujori i dytë i vitit 2007.
Në këtë periudhë raporti i deficitit të llogarisë rrjedhëse të vendit ndaj PBB-së u llogarit si 3,5 për qind. Kjo normë ishte 3,4 për qind në tremujorin e tretë të vitit të kaluar.
Deficiti i llogarisë rrjedhëse të vendit u rrit me 34,8 për qind në 647.2 miliardë dollarë gjatë gjithë vitit 2020 dhe është niveli më i lartë i regjistruar që nga viti 2008. Raporti i deficitit të llogarisë rrjedhëse ndaj PBB-së ishte 3,1 për qind vitin e kaluar. Në vitin 2019 kjo normë ishte si 2,2 për qind.