Vëllezërit e krishterë, Naum dhe Ziyad Melki, të cilët u strehuan në Turqi pasi organizata terroriste YPG/PKK pushtoi rrethin Ras al-Ayn në verilindje të Sirisë thanë se prej 2 vitesh jetojnë në një mjedis të sigurt me grupet e tjera etnike dhe fetare në rrethin Ras al-Ayn, i cili u çlirua me operacionin “Burimi i Paqes”.
Vëllezërit Melki, një nga pakicat krishtere që jeton në Ras al-Ayn, përjetuan vuajtjet më të mëdha kur organizata terroriste YPG/PKK pushtoi lagjen Ras al-Ayn në korrik 2013, që ndodhet në territorin sirian.
Pas pushtimit, vëllezërit Melki u strehuan në Turqi, duke lënë motrat e tyre në vend.
Vëllezërit, të cilët ikën nga persekutimi i YPG/PKK-së, filluan të jetojnë në një kamp tende të ngritur për refugjatët sirianë në rrethin Midyat të Mardinit.
Naum 56-vjeç, u kthye në Ras al-Ayn në maj të vitit 2016, pasi terroristët e YPG/PKK-së rrëmbyen motrat e tij dhe uzurpuan shtëpinë e tyre.
Pas çlirimit të rrethit Ras al-Ayn nga terrorizmi në tetor 2019, 58-vjeçari Ziyad Melki u kthye në shtëpinë e tij në rreth nga Turqia, ku qëndroi për 6 vjet.
– “Vëllezërit tanë turq na kanë trajtuar gjithmonë mirë”
Në një prononcim për Anadolu Agency (AA), Naum Melki tha se: “Vëllezërit turq na pritën mirë. Që nga momenti kur hymë në qark, ata na ndihmuan në çdo mënyrë të nevojshme. AFAD dhe Gjysmëhëna e Kuqe Turke na kanë ndihmuar gjithmonë”.
Duke thënë se disa klerikë të krishterë që jetojnë në Turqi bënë oferta për t’i dërguar ata në Evropë, Melki tha: “Ne nuk shkuam në Evropë sepse kishim të drejta dhe tokë. Ne refuzuam. Gjithmonë kemi ëndërruar që një ditë të ktheheshim në Ras al-Ayn. Edhe pse jetonim në tendë, vëllezërit tanë turq kanë qenë gjithmonë të mirë me ne”.
Naum Melki tha se pak para marrëveshjes së nënshkruar mes SHBA-së dhe Turqisë më 17 tetor 2019, ai u ndalua nga terroristët e YPG/PKK-së për 43 ditë dhe u kthye në Ras al-Ayn pasi u lirua.
Duke u shprehur se ishte shumë i lumtur sepse qarku u pastrua nga terroristët e YPG/PKK-së, Melki tha: “Kur Ushtria Kombëtare Siriane (SNA) e mbështetur nga ushtria turke çliroi qarkun tonë, unë putha tokën, grupin SNA që më shpëtoi, kishën dhe shtëpinë time”.
– Mbështetja e TAF dhe SNA për kishat në rreth
Melki tha se Forcat e Armatosura Turke (TAF) i japin prioritet të madh mirëmbajtjes dhe riparimit të të gjitha kishave në rreth dhe se vendosin kamera për sigurinë e kishave të tyre.
“Atë që bëri Turqia për xhamitë në rreth, të njëjtën gjë bëri edhe për kishat këtu. Forcat e Armatosura Turke (TAF) pajisën me kamera pjesën e brendshme dhe të jashtme të kishës Mariam Mejdeliyya. Ata vendosën kamera, mirëmbajtën, riparuan dhe ndriçuan kishën Martuma Resul dhe kishën Mar Agob të vëllezërve tanë armenë. Vëllezërit tanë nga Ushtria Kombëtare Siriane (SNA) na pajisën me gjeneratorë për të ndriçuar kishat”, tha ai.
Duke thënë se ka qenë dëshmitar i dasmave të komuniteteve të tjera në rrethin e Ras al-Ayn-it, Melki tha: “Ne jetojmë në vëllazëri dhe harmoni me etnitë e tjera në rreth. Shpesh dëgjojmë se shoqëria perëndimore shqetësohet për ekzistencën e ne të krishterëve, por nuk i kemi parë kurrë këtu. Përkundrazi, ne kemi parë shkelje të organizatës terroriste YPG, e cila mbështetet nga SHBA-ja dhe flet për të ashtuquajturën vëllazërim popujsh”.
– Mesazhi për të jetuar së bashku në vëllazëri
Ziyad Melki, 58-vjeç i cili është anëtar i Këshillit Lokal të Ras al-Ayn tha se arabët, çeçenët, turkmenët dhe të gjitha grupet e tjera etnike dhe fetare në vend bëjnë jetë vëllazërore dhe harmonike.
Duke theksuar se TAF dhe SNA mbrojnë kishat, Melki tha: “Si anëtar i komunitetit të krishterë, ne i përmbushim detyrimet tona fetare në të njëjtën mënyrë si etnitë e tjera që i jetojnë liritë e tyre fetare rrjedhshëm dhe të papenguar këtu”.
Ai falënderoi Turqinë dhe SNA për pastrimin e Ras al-Ayn-it nga terroristët.
– “Ne i kemi trajtuar gjithmonë veçanërisht vëllezërit e krishterë”
Muhammed Nura, një nga komandantët e SMO në Ras al-Ayn tha se ata bënë përpjekje të mëdha për ta bërë Ras al-Ayn një lagje të sigurt.
“Shumë njerëz nga etni të ndryshme jetojnë në rrethin Ras al-Ayn. Ne tregojmë ndjeshmëri të madhe për të zgjidhur problemet e tyre. Ne gjithmonë i trajtojmë veçanërisht vëllezërit e krishterë”, tha ai.
