Gazetari i shquar argjentinas Facundo Pastor tha se vdekja e paradokohshme e ish-yllit të futbollit Diego Armando Maradona ishte një goditje e madhe për të gjithë argjentinasit që ndihen sikur kanë humbur dikë shumë të afërt, ndërsa e gjithë kjo sepse besojnë se Maradona ishte simbol dhe krenari e Argjentinës, e ajo po ashtu ishte simboli dhe krenaria e tij.
Maradona ndërroi jetë më 25 nëntor, ndërsa për largimin e tij për Anadolu Agency (AA) foli avokati dhe gazetari Pastor, i cili drejton programet televizive dhe revistën e tifozëve të gjigantit të futbollit River Plate.
PYETJE: Si u ndjetë pasi dëgjuat lajmin për vdekjen e Maradonës?
PËRGJIGJE: Të gjithë u tronditëm, pikëlluam dhe habitur nga lajmi. Ndonëse mund ta kishim pritur këtë për shkak të lajmeve të mëparshme se vdekja është afër, të gjithë ne si popull mendonim se Maradona ishte i pavdekshëm dhe nuk do të vdiste kurrë. Megjithatë, erdhi dita kur ky lajm u botua dhe të gjithë akoma po përpiqemi të pajtohemi me të.
PYETJE: Çfarë paraqet futbolli për Argjentinën dhe popullin e saj?
PËRGJIGJE: Futbolli është gjithçka për argjentinasit, është pjesë e identitetit të popullit argjentinas. Futbolli është pjesë e trashëgimisë familjare të të gjithë neve. Futbolli nuk është vetëm ndjenja kur shkojmë në ndeshje, është pjesë e historisë sonë dhe madje një lloj kushtetute.
Futbolli në një vend kaq të rëndësishëm në shoqëri lindi Maradona, dhe Maradona është një emër tjetër për futbollin.
PYETJE: Çfarë përfaqëson Maradona për popullin e Argjentinës?
PËRGJIGJE: Nëse jemi dakord që Argjentina është futboll, ndërsa Maradona është një emër tjetër për futbollin, atëherë Maradona është Argjentina, ndërsa Argjentina është Maradona. Vdekja e tij ishte një goditje e madhe. Ishte sikur të gjithë kanë humbur dikë nga të afërmit.
E gjithë bota ndien se Maradona është bërë pjesë e çdo familjeje dhe historie. Kjo është arsyeja pse e gjithë bota qau me ne. Tifozët e ekipeve rivale Boca Juniors dhe River Plate u përqafuan dhe qanë së bashku për shkak të Maradonës. Pas varrimit, u mblodhën ata të futbollit argjentinas që konsiderohej e pamundur të ishin në të njëjtin vend. Vetëm Maradona mund ta shkaktojë atë.
PYETJE: Si e fitoi Maradona dashurinë e publikut të gjerë, përkundër qëndrimeve të tij të ashpra politike?
PËRGJIGJE: Maradona ka qenë temë debati gjatë gjithë jetës së tij. Ai provokoi dashuri dhe urrejtje tek njerëzit. Megjithatë, të gjithë e donin shumë dhe do ta duan. Njerëzit e donin sinqeritetin e tij, të qenurit i hapur. Gjithnjë ka qenënë krah të më të dobëtit, jo më të fortit. Ky është një vend i punëtorëve dhe njerëzve të zakonshëm, ndërsa Maradona përfaqësonte pikërisht njerëz të tillë. E gjitha kjo u zhyt në një pasion për futbollin.
PYETJE: Cila është lidhja midis golit që Maradona ia shënoi Anglisë në vitin 1986 dhe Luftës së Malvinas të zhvilluar nga Argjentina dhe Britania e Madhe për mosmarrëveshjen e Ishujve të Falklandit?
PËRGJIGJE: Ajo ndeshje ishte momenti kur Maradona trokiti në derën e zemrës së të gjithë argjentinasve dhe kur gjithë atë derë ia hapën. Kjo ndodhi katër vjet pas Luftës së Malvinas, kur Argjentina dhe Britania e Madhe nuk ishin në luftë, por u gjendën në anët e kundërta të fushës së futbollit. Maradona ishte shënues i dyfishtë, një i rregullt, i zakonshëm dhe real dhe një i parregullt, i pazakontë dhe i mbinatyrshëm. Njëri prej atyre golave u shënua nga këmba e Zotit, dhe tjetri nga dora e Zotit, dhe Maradona u zhvendos kështu në zemrat e të gjithë argjentinasve. Disa javë pas asaj ndeshje, Maradona tha se në fushë po mendonte për fëmijët e vrarë në Luftën e Malvinas, dhe kjo gjithashtu shkaktoi emocione në mesin e njerëzve.
PYETJE: Si e komentoni dashurinë që Maradona gëzonte edhe jashtë Argjentinës?
PËRGJIGJE: Maradona fitoi dashuri edhe jashtë kufijve të Argjentinës, madje edhe anglezët e donin atë. Më duket se më e përfolura për momentin është se me largimin e Maradonës, Argjentina mbeti pa pjesën e saj të rëndësishme. Mund ta zgjerojmë atë dhe të themi se me Maradonën vdiq edhe një segment i rëndësishëm i futbollit botëror dhe botës në përgjithësi. Kjo është arsyeja pse e gjithë bota qan dhe Maradonës i shprehen nderime në të gjitha stadiumet. Mund të themi se bota u bë e pikëlluar.
PYETJE: Çfarë ishte ajo që e bëri Maradonën të varur nga droga?
PËRGJIGJE: Mendoj se kjo është një temë dhe ana e errët e Maradonës, për të cilën është e vështirë të flasim. Në moshën 16-vjeçare, Maradona duhej të kujdesej për prindërit dhe vëllezërit e tij më të vegjël. Ky ishte presion i tepërt për 16-vjeçarin. Ai u rrit dhe u bë milioner. Bota ishte nën këmbët e tij, ai nuk mund të ecte më në publik, humbi lirinë e tij. Nuk kishte një jetë normale dhe kjo e çoi në botën e narkotikëve. Mendoj se ishte një ndeshje në të cilën Maradona nuk arriti kurrë të fitonte. Së pari narkotikët, pastaj alkooli, ai luftoi shumë me ato vese. E mundi drogën, por vdiq pa e fituar alkoolin. Mendoj se këto vese ishin një përpjekje e arratisjes së tij nga realiteti dhe se në disa raste të mos ishte Maradona. Duhej të mësonte të merrej me jetën e tij, pikërisht siç thuhet edhe në këngët e shkruara për të.
PYETJE: Kur ishte Maradona më i lumtur?
PËRGJIGJE: Maradona ishte shumë i lumtur në fillim të jetës së tij, ndërsa në vendlindjen e tij Villa Fiorito ai vrapoi për një top futbolli … Ishte i lumtur edhe kur u martua me ish-gruan e tij Claudia, kur i lindën vajzat e tij, kur mori fëmijët e tjerë. Ai gjithashtu ishte i lumtur kur u bë gjysh. Sigurisht se ishte i lumtur edhe kur fitoi Kupën e Botës. Ishte i lumtur edhe kur u kthye në futboll dhe të paktën për pak kohë e shpëtoi veten nga bota e vesit. Duhet thënë se ka momente të rralla kur ai ishte plotësisht i lumtur. Konsideroj se ka qenë e vështirë të jesh edhe Maradona, edhe i lumtur në të njëjtën kohë.
PYETJE: Maradona erdhi në fronin botëror nga një lagje e varfër. Sa ndikoi kjo në personalitetin e tij?
PËRGJIGJE: Ishte e vështirë të kaloje rrugën që kaloi Maradona. Nga një lagje në periferi, ai u nis dhe mbërriti në pallatet presidenciale, u shoqërua me njerëz të famshëm, ishte në Oksford dhe shëtiti botën, ndërsa kudo e priste një qilim i kuq. Mendoj se është e pashmangshme që kjo të mos ndikojë tek njeriu. Jeta e Maradonës herë ndryshoi për të mirë dhe herë për të keq dhe në një farë mënyre ai vdiq si viktimë e vetvetes.
PYETJE: Çfarë mendoni për hetimin që filloi pas vdekjes së Maradonës?
PËRGJIGJE: Një hetim ka filluar në Argjentinë pas vdekjes së Maradonës. Po hetohet nëse gjithçka është bërë në mënyrë korrekte nga mjekët që ishin përgjegjës për trajtimin dhe shtrimin në spital të tij. Maradona vdiq nga infarkti, por prokuroria argjentinase po heton shkakun e këtij infarkti, nëse ka pasur kujdes të duhur mjekësor, nëse ka pasur ndonjë lëshim pas operacionit të trurit. Do të jetë një hetim i gjatë dhe me siguri do të shkruajë faqen e fundit të historisë së Maradonës. Qëllimi i hetimit është të zbulojë përgjigjet në pyetjet se si Maradona vdiq dhe pse ishte vetëm, pse mjekët e trajtuan keq, pse ai u braktis nga të gjithë dhe kush e lejoi atë të vdiste.
PYETJE: A mendoni se është e mundur që ka diçka që mjekët kanë bërë gabim?
PËRGJIGJE: Personalisht, nuk mendoj se do ta kishim bërë këtë intervistë sot nëse Maradona do të kishte pasur trajtim adekuat. Mendoj se nuk do të flisnim për këtë temë. Ai ndoshta do të jetonte një kohë të gjatë dhe nuk do të vdiste.
PYETJE: Dukej se Maradona kohët e fundit ka qenë vetëm, mbase donte ashtu. Çfarë mendoni për këtë?
PËRGJIGJE: Nëse Maradona ishte vetëm me vullnetin e tij apo e lanë vetëm është një pyetje e mirë. Mendoj se janë të dyja. Mendoj se ata e lanë vetëm, ndërsa ai gjithashtu u largua nga familja, vajzat dhe miqtë. Kjo ishte e keqe për gjendjen e tij. E gjithë kjo mund të ishte parandaluar, por përfundoi me një vdekje të trishtuar.
PYETJE: Si do të ndahet trashëgimia e tij?
PËRGJIGJE: Maradona vdiq dhe një hetim filloi për të, por së shpejti do të flasim për sa pasuri ai la pas. Ne do të flasim sa para ai la, sa kompani. Ai ka pasur biznese në Venezuelë, Itali, Kubë dhe Argjentinë. Mendoj se do të jetë një luftë e vërtetë për të ndarë atë pasuri. Ka fëmijë që Maradona i pranoi. Ai ka pesë fëmijë të pranuar dhe tre të tjerë që pretendojnë të jenë të tij, por nuk kanë marrë njohje. Mendoj se do të jetë një proces i madh, por së pari duhet të përcaktojmë se çfarë la Maradona. Askush nuk e di se sa para kishte Maradona, disa thonë 100 milionë dollarë, disa më pak, e disa madje edhe gjysmë miliardi. Askush nuk e di se ku janë ato para. Një vit para vdekjes, ai ishte zemëruar me vajzat e tij dhe tha se nuk do t’u linte asgjë. Megjithatë, kjo nuk është e mundur. Njeriu mund t’i japë dikujt një pjesë të pasurisë së vet, por jo të gjithë. Askush nuk e di nëse Maradona ka shkruar testament. E gjithë kjo do të jetë subjekt i punës që po afrohet në sallat e gjyqit në Argjentinë, por edhe në të gjitha vendet ku Maradona jetoi dhe punoi.
PYETJE: A ishte i lumtur Maradona në çastet e vdekjes së tij?
PËRGJIGJE: Jo. Ai nuk vdiq i lumtur. Mund të them se Maradona vdiq i mërzitur dhe i vetëm. Tani mund të pyesni pse është kështu. Përveç largimit nga familja si dhe familja nga ai, unë mendoj se ai ishte i mërzitur edhe pse ishte larg topit të futbollit. Për shkak të problemeve shëndetësore, Maradona nuk ka qenë në gjendje të luajë futboll në mënyrë rekreative për një kohë të gjatë, madje edhe në mënyrën se si bëjnë bashkëmoshatarët e tij.
Maradona ishte i pakënaqur për shkak të vdekjes së prindërve të tij dhe për shkak se nuk mund të vraponte me top. Ai kishte një marrëdhënie të mahnitshme me prindërit e tij. Pas vdekjes së tyre, ai ra në depresion, u trondit dhe qau për një kohë të gjatë. I përmendi ata në të gjitha intervistat. Mendoj se u pajtua me vdekjen e tij në momentin që kuptoi se nuk ka më prindër dhe nuk do të ishte më në gjendje të luante futboll më. Ai u vetmua, pastaj iu nënshtrua një ndërhyrje kirurgjikale në tru dhe mendoj se atëherë vendosi që ishte ngopur me këtë jetë.
Mendoj se Maradona është shumë i dashur, por edhe shumë është gjykuar. Këto janë fjalët e shkrimtarit argjentinas Robert Fontanarros që shpesh i kujtoj. Ai gjithashtu tha se nuk i intereson për atë që bëri Maradona në jetën e tij, por çfarë efekti la në të.
Maradona ndryshoi jetën e tifozëve tanë. Na solli shumë gëzim. Nëse do ta shihja sot në sy dhe t’i thoja diçka, do t’i thoja falemnderit për gjithçka që na dhe.
Anadolu Agency
