E veja e ambasadorit rus të vrarë në Turqi në vitin 2016 ka deklaruar se ajo nuk e di kush e vrau burrin e saj, por se qëllimi ishte “prishja e marrëdhënieve dypalëshe midis Rusisë dhe Turqisë”.
Më 19 dhjetor të vitit 2016, ambasadori rus në Ankara, Andrei Karlov, u vra nga Mevlüt Mert Altınbaş në hapjen e një galeria arti. Altınbaş ishte oficer policie jashtë detyrës i lidhur me FETO-n, grupin që qëndroi pas grusht shtetit të dështuar të vitit 2016 në Turqi dhe ai u vra atë natë nga forcat e sigurisë turke.
Marina Karlova, drejtuese e fondacionit Andrei Karlov, në fjalimin e saj për marrëdhëniet turko-ruse në shekullin e 21, tha se fondacioni po përpiqet të përmirësojë bashkëpunimin midis dy vendeve.
Karlova tha se ata po punonin në bashkëpunim arsimor dhe kulturor për të mbështetur studentët rusë që janë të interesuar për të studiuar arsimin e lartë në Turqi.
Lidhur me vrasjen e burrit të saj, Karlova tha se nuk e di kush e vrau burrin e saj, por se ishte një përpjekje e atyre që duan të shkatërrojnë lidhjet dypalëshe turko-ruse. Ajo tha se vetëm zhvillimi i marrëdhënieve turko-ruse mund të lehtësojë dhimbjen e saj.
“Unioni i Dhomave të Turqisë dhe Shkëmbimeve të Mallrave, Këshilli i Jashtëm Ekonomik i Biznesit, Asambleja e Eksportuesve, Shoqata e Industrisë dhe Biznesit Turk, si dhe Shoqata e Pavarur e Industrialistëve dhe Biznesmenëve do të rrisin marrëdhënien. Ata janë të vetëdijshëm se janë në të njëjtën anije, dorë për dore për të hartuar një hartë rrugore me një strategji”, tha Karlova.
Organizata terroriste FETO dhe udhëheqësi i saj në SHBA, Fetullah Gulen, qëndrojnë prapa përpjekjes së përgjakshme të grusht shtetit të 15 korrikut dhe pas një fushate të gjatë për rrëzimin e shtetit përmes infiltrimit të institucioneve turke, përfshirë ushtrinë, policinë dhe gjyqësorin.
