Ministri i Punëve të Jashtme i Turqisë, Mevlut Çavusoglu, ka deklaruar se Turqia do të forcojë bashkëpunimin me Ballkanin.
Kryediplomati turk merr pjesë në Dialogun Strategjik në Samitin e Liderëve të Ballkanit Perëndimor, të organizuar nga Forumi Ekonomik Botëror në Gjenevë.
Në llogarinë e tij në Twitter, Çavusoglu potencoi mbështetjen e Turqisë për të vazhduar “paqen dhe stabilitetin e qëndrueshëm” në Ballkan.
“Do të vazhdojmë bashkëpunimin tonë me gjeografinë e Ballkanit”, tha Çavusoglu.
Ai pritet të zhvillojë takime dypalëshe me krerët e delegacioneve të tjera në samit.