Nga Skënder Sadri KAPITI
Komunizmi ka qenë një armik shumë i dëmshëm për shqiptarët, si në Shqipëri ashtu edhe në Kosovë. Komunizmi në Shqipëri i importuar dhe instaluar nga jugosllavët, si një komunizëm proletar e internacionalist i zbatuar me fanatizëm në Shqipëri ka qenë armik i madh kundër patriotizmit dhe nacionalizmit shqiptar, dhe prej pasojave të tij antinacionaliste po e vuan akoma Shqipëria edhe sot e cila sundohet edhe sot nga një regjim i papërgjegjshëm, antipublik dhe korruptiv i cili i ka detyruar dhe ua imponion shqiptarëve të marrin rrugën e pandërprerë të eksodit.
Si komunizmi jugosllav ashtu edhe ai në Shqipëri kanë qenë armiq që kanë goditur rëndë nacionalizmin shqiptar.
Pinjollët dhe bijtë e trashëgimtarët e komunistëve, fatkeqësisht ata janë dhe e sundojnë edhe sot që prej 30 vitesh tranzicionin politik dhe ekonomik në Shqipëri. Është koha dhe detyrimisht duhet që të zgjohet dhe të rilindë nacionalizmi në Shqipëri sepse jo vetëm politika por edhe akademia, shoqëria dhe mediat në Shqipëri nuk kanë ndjesinë dhe përgjegjshmërinë e duhur kombëtare.
Në Shqipëri nuk u krye dhe as nuk u zbatua pastrimi dhe lustracioni politik dhe as nuk u ndëshkuan krimet e komunizmit.
Tani pas 34 vitesh është vonë dhe nuk ka asnjë efekt edhe nëse miratohet ndonjë Vetting për dekomunistifikimin e vëndit.Është tepër vonë.
Dhe për këtë nuk është fajtore vetëm politika por është edhe shoqëria shqiptare.Nuk është mëkatarë vetëm udhëheqësi i komunistëve shqiptarë,dhe nuk është mëkatare vetëm diktatura komuniste në Shqipëri por është mëkatare tërë shpura servile e atij regjimi, janë intelektualët dhe akademikët, shkrimtarët dhe artistët që ishin oksigjeni i atij regjimi të cilët me propagandën e partishmërisë proletare antinacionaliste dhe të luftës së klasave e të revolucionit ia zgjatën jetën atij regjimi, dhe po kjo shpurë kapi edhe pluralizmin dhe drejtimin e partive politike në Shqipërinë paskomuniste.
Nuk ka qenë më i dëmshëm komunizmi në Shqipëri se sa që ishte komunizmi jugosllav kundër shqiptarëve në Kosovë, por populli heroik i Kosovës e ka kundështuar me guxim regjimin antishqiptar sllavo-komunist në ishJugosllavi , madje demostratat e para antikomuniste në botën apo sferën komuniste lindore i ka bërë Kosova, kurse shoqëria shqiptare në Shqipëri nuk rezistoi , as nuk kundështoi reformat antihumane e antidemokratike të komunizmit por iu nënshtrua deri në bindje regjimit komunist marksist-leninist në Shqipëri.
Xhafer Deva, simbol i nacionalizmit Shqiptar.
Tani është koha për të shkruar e thënë të vërtetat historike, ku një ndër më kryesoret është figura kombëtare e Xhaferr Devës, e këtij patrioti e kombëtari të madh.
Opinioni dhe mediat duhet të cliriohen e të thonë të vërtetat e medha, të kontributit të jashtëzakonshëm të Devës për Bashkimin Kombëtar, dhe jo të mbeten akoma pengje të shpifjeve e trillimeve komuniste jugosllavo-shqiptare kundër tij.Komunizmi serbo-rus dhe ai shqiptar i ka cilësuar si nazizmin dhe Xhaferr Devën armiq të komunizmit, dhe këto ata i pëdorën me qëllim për të luftuar e asgjësuar nacionalizmin shqiptar, sidomos atë të kosovarëve të cilët kurrë nuk pushuan së luftuari për Bashkimin Kombëtar.
Komunizmi ishte ideologjia e gënjeshtrave të mëdha, e mitizimeve të idealeve dhe të mitit të revolucionit antihuman proletar, të mitizmit te personazheve e herojve të realizmit socialist.Ndërsa në Shqipëri komunizmi i importuar serbo-rus ndërtoi dhe zhvilloi frymën dhe propagandën antikombëtare e antinacionaliste i cili damkoste jetën dhe veprën patriotike e kombëtare të patriotit dhe nacionalistit të madh Xhaferr Deva. Jo vetëm Xhafer Devën , këtë simbol të nacionalizmit shqiptar, por regjimi antikombëtar komunist shqiptaro-sllav këta burra dhe heroj e legjenda të cilët kundërshtuan djallin komunist u vranë, damkosën, u burgosën, internuan dhe u dëbuan nga Shqipëria dhe nga Kosova.
Propaganda dhe hija e tmerrit dhe e frikës në Shqipëri terrorizonte të gjithë ata të cilët guxonin që vetëm po ta përmendnin emrim e Xhafer Devës, përvecse ashtu si e etiketonte propaganda dhe ideologjia mitike antikombetare komuniste në Shqipëri e në Kosovë.Në atë regjim po të përkujtohej prindi patriot, nacionalistët si dhe antikomunistët që kishin luftuar kundër okupimit komunist ndëshkoheshe rëndë.Edhe sot akoma shqiptarët janë në kllapi dhe nuk u ka dalë letargjia komuniste, për t’u zgjuar , mësuar e për të nderuar e respektuar herojtë e vërtetë, ata të cilët ia kushtuan jetën lirisë kombëtare, bashkimit kombëtar, patriotët vizionar dhe burrat e mëdhej si Xhaferr Deva të cilët komunizmi i luftoi aq tmerrësisht e që i shpalli si “nazist” e armiq të komunizmit. Nazifashizmin dhe “armikun” e komunizmit regjimi kriminal komunist në Shqipëri dhe në Jugosllavi i përdorën për luftë kundër nacionalizmit shqiptar, për sllavo-komunistifikimin e Shqipërisë e Kosovës. Me anë të komunizmit sllavo-serbo-rusët argumentonin dhe maskonin urrejtjen, antishqiptarizmin dhe reformat komuniste e antinacionaliste në Shqipëri e në Kosovë. 19 February 2022 –
Xhafer Deva, ky simbol dhe shëmbull i lartë i patriotizmit dhe nacionalizmit shqiptar akoma edhe sot tmerron serbët dhe Serbinë, por jo vetëm ata por edhe vëllezërit internacionalistë e ideologjikë, pinjollët e regjimit ishkomunist në Shqipëri të cilët vranë, persekutuan, shpronësuan dhe përndoqën e internuan nacionalistët dhe familjet e nacionalistëve shqiptarë.Nga kush akoma sulmohet me akuza, gënjeshtra e me shpifje shqiptari i madh Xhaferr Deva?Xhaferr Deva është shqiptari më i madh, është etalon i patriotizmit dhe nacionalizmit shqiptar, që kishte meritën e madhe të Bashkimit të Shqipërisë Etnike, në luftë e përpjekje kundër kolonizatorit kriminal e barbar cetniko-komunist gjatë Luftës së Dytë Botërore. Pas pushtimit komunist, Deva në SHBA e vazhdoi luften për clirimin e Kosovës dhe të Shqipërsë nga pushtimi komunist sllav në Kosovë dhe nga kumunizmi shqiptar në Shqipëri.Xhaferr Deva clirimin e Kosovës e parashikonte e besonte se do vinte nga perendimi dhe kur në Shqipëri të triumfonte demokracia, dhe saktësisht kështu edhe ndodhi.
Ndërsa komunistët shqiptare shpirtin dhe zemrën e kishin te Beogradi e te Moska. Brigadat partizane shqiptare ua dorëzuan Kosovën regjimit dhe pushtetit të krimit komunist jugosllav, sllavëve të Jugut. Ja cfare thoshte E.Hoxha, në vitin 1947 kur pati deklaruar se:
“… Çdo gjë e lidhte popullin tonë me sllavët e jugut, jeta, zakoni, burrëria, lufta për indipendencën kundër të njëjtëve armiq…” (Citohet sipas: “Fjala e Enver Hoxhës në Plenumin IV të rinisë popullore”).Shikoni se cfare admiruesi për sllavet, ky që udhëhoqi 45 vjet Shqipërinë, thotë se cdo gjë e lidhte popullin tonë me sllavët e jugut,kur ne fakt asgjë nuk i lidh shqiptarët me ardhacakët dhe pushtuesit sllavë të Iliro-Dardanisë. Po është e vërtetë se vetëm regjimin komunist të Tiranës i lidhte gjithcka me komunistët serbo-sllavë, e së pari ishte ideologjia komuniste dhe propaganda, lufta dhe urrejtja kundër patriotizmit dhe nacionalizmit shqiptar
Pra shikoni se cfare injoranti, cfare servili dhe se sa antishqiptar i madh ishte Enver Hoxha i cili nuk ka pasur aspak ndjesi për ato krime e fushata genocidiste që kanë bërë serbët në shekuj kundër shqiptarëve. Kjo edhe për faktin se edhe komunistët shqiptarë kanë bashkëpunuar me serbët në krimet,vrasjen dhe genocidin e partizanëve sllav kundër shqiptarëve të Kosovës.Por edhe kryeministri i sotëm i Shqipërisë Edi Rama mbështetës i projektit serb për coptimin e Kosovës që më shumë e ka vizituar Beogradin se Prishtinën, dhe i cili për pajtimin shqiptaro-serb citon deri edhe vargje të shkrimtarit serb Ivo Andriq, të këtij antishqiptari të tërbuar, autorit të projektit për zhdukjen e shqiptarëve.
Regjimi komunist enverist clirimin e Kosovës e “parashikonte” kur të fitonte revolucioni leninisto-komunist botëror.Pra shikoni se sa i interesuar ka qenë kreu i regjimit komunist shqiptar për Kosovën dhe për cështjen Kombëtare.
Xhafer Deva urrehet nga komunistët shqiptarë si dhe ata serbo-sllavë sepse Xhaferr Deva ishte betuar për të mbrojtur me cdo cmim e sakrificë interesat shqiptare dhe luftimin e komunizmit. Ai ishte i pamëshirshëm në luftimin e komunizmit, pasi komunizmi ishte kërcënimi më i madh për kombin shqiptar gjë të cilën e vertetoi edhe historia.
Deva ka qenë shqiptari i parë i cili e dinte se komunizmi në Shqipëri ishte pjellë, zgjatim e vegël serbo-ruse, e dinte se Shqipëria do të pushtohej nga kominizmi serbo-rus, gjë që e cila fatkeqësisht edhe ndodhi.
Prandaj dhe për këtë arsye akoma edhe sot Beogradi dhe mbeturinat komuniste shqiptare e urrejnë Xhaferr Devën për atë se Deva ka luftuar me gjith shpirt për Shqipërinë etnike, për Bashkim Kombëtar dhe kundër komunizmit.
Akoma edhe sot Xhafer Deva sulmohet në Shqipëri nga disa renegatë mediatikë, politikë, nga injorantët e halabakët pseudohistorianë të instituteve marksist-leniniste dhe të atyre të shkollave komuniste si dhe nga mercenarët e nostalgjikët serbo-rusofilë. Sulmohet dhe mohohet vepra e madhe e Xhaferr Devës dhe madje mbrohen shpifjet e trillimet e serbëve dhe të regjimit komunist kundër tij nga disa vemje mediatike dhe politiko-ideologjike të së shkuarës komuniste.
Kosovës dhe jo vetëm asaj por gjithë patriotizmit e nacionalizmit shqiptar i takon që ta nderojnë në maksimum Xhaferr Devën, këtë shqiptar të madh, këtë patriot të madh i cili gjatë gjithë jetës ka bërë aq shumë për kombin e bashkimin kombëtar kundër armiqve të kombit shqiptar dhe kundër komunizmit.
Deva ka meritën e madhe edhe si mbrojtës i hebrejve sepse kur u takuan Mateo Matalia e Rafael Jakoel nga komuniteti hebre me Mehdi Frashërin, ai i rekomandoi që ta takonin Xhafer Devën.
Ata u takuan me Devën, dhe Deva refuzonte haptazi dhe me guxim kërkesën e nazistëve ndaj hebrenjve, sepse Deva kishte qëndrim krejt të kundërt me nazistët për ceshtjen e hebrejve.
Xhaferr Deva ka meritën e madhe e të jashtëzakonshme të asaj se ai me mjaft dhe me tepër përkushtim kombëtar, me diplomaci dhe me intelgjencë të lartë ,por edhe me trimëri e guxim kombëtar të pashoq ai arriti që të shfrytëzonte konjukturat dhe rrethanat e kohës në mbrotjen e shqiptarëve, në krijimin në ato vite të shtetit shqiptar të Kosovës me liri, gjuhësi, shkolla, administratë dhe me ushtri shqiptare.
Dhe pas Luftës së Dytë Botërore, Deva ky shqiptar i madh si patriot, si demokrat, si proamerikan e properendimor dhe si antikomunist Deva ka meritën e vazhdimësisë së luftës së tij kundër murtajës komuniste dhe te farkëtimit të aleancës shqiptaro-amerikane,
Prandaj ka ardhur koha që t’i jipen meritat kombëtare e historike Xhaferr Devës. Kosova dhe kombi shqiptar duhet që ta vlerësojnë figurën dhe kontributin e madh kombëtar të Xhaferr Devës duke nxjerre të vërtetat historike kundër intrigave,shpifjeve e sajesave djallëzore të regjimit komunist e të strukturave kriminale e genocidste të atij regjimi ushtruar mbi shqiptarët, mbi nacionalzmin dhe patriotzmin e kombëtarizmin shqiptar.Deva i ka mbrojtur shqiptarët nga bandat cetnike dhe nga brigadat partizane serbo-sllave. Shqiptarë kanë vrarë cetnikët e komunistët serbë dhe komunistët shqiptarë, pasi komunistët edhe eliminimet dhe vrasjet ndërvete ua vishnin të tjerëve, sepse komunizmi ishte si ajo lavirja që e bën kopilin dhe ua lë në derë të tjerëve.
Gjatë gjithë kohës së regjimit kriminal komunist në Shqipëri, pa ndërprerë dhe në emër të luftës së klasave është ushtruar mbi popullin shqiptar, sidomos kundër atyre që tradhtonin komunizmin dhe miqësinë vëllazërore shqiptaro-jugosllave, shqiptaro-sovjetike e shqiptaro-kineze është ushtruar dhunë, burgosje, internime e terror vrastar, ideologjik, politik, psikologjik e gjithfarë ndëshkimesh cnjerezore. Dhe pikërisht autorët e këtyre veprave kriminale në Shqipëri, pikërisht këta janë edhe sot armiq të nacionalistit e patriotit Xhaferr Deva të cilët flasin akoma si dikur diktatori në emër të popullit, pasi edhe krimet i kanë bërë në emër të popullit. Komunizmi sllav dhe ai shqiptar me brigadat partizane të Tiranës kanë vrarë patriotët dhe nacionalistët kosovarë; në bashkëpunim komunistët shqiptarë me ata serbë kanë kryer edhe masakrën cnjerëzore të Tivarit. Nostalgjikët dhe sigurimsat, persekutorët dhe komunistët e Tiranës trillojnë e manipulojnë akoma me masakrën e 4 Shkurtit, në një kohë kur kurrë këta nuk folën për masakrat e kryera nga komunistët e partizanët shqiptarë së bashku dhe me urdhër të atyre serbë kundër kosovarëve, si dhe as për krimet e komunizmit 50 vjecar në Shqipëri; e madje komunistët shqiptarë as nuk u kanë kërkuar as falje familjeve të viktimave, dhe as nuk ua kanë treguar varret për të gjetur eshtrat e mbi 5000 te pushkatuarve nga regjimi komunist.
Regjimi enverist nuk kishte si të ishte me Xhaferr Devën sepse komunizmi në Shqipëri ishte ortak me Beogradin, pasi Partia Komuniste Shqiptare u themelua nga emisarët jugosllave Popovic, Mugosha, Tempo etj. Komunistët shqiptarë e urrejnë Devën sepse kryeministri serb kishte thënë se “Deva nuk blehet me pare se është i pasur, Deva është armiku ynë i përbetuar, Deva duhet vrarë.”Pra Devën nuk e donte regjimi komunist në Shqipëri sepse ai regjim ishte si ai në Serbi, Deva nuk blihej sic i është lëpirë dhe servilosur komunizmi në Shqipëri herë te Jugosllvia,herë të Rusia e pastaj te Kina,te këta tre armiqt e kundërshtarët më të mëdhenj të shtetit të Kosovës.
Tiranës komuniste i intersonte pushteti dhe ideologjia. Ajo e tradhtoi Kosovën dhe jo vetëm kaq por Enver Hoxha edhe Shqipërinë deshi ta fuste nën Jugosllavi si republikë e shtatë për interesa personale e internacionalisto-komuniste , ashtu sikurse edhe pinjolli komunist Edi Rama ishte për ndarjen e Kosovës dhe sot për Open Ballkan.Të gjithë ata të cilët urrejnë shqiptarin e madh Xhaferr Deva janë po ata të cilët nuk thonë asnjë fjalë kundër Edi Ramës, kryeministrit të Shqipërisë pse ai shkon , takon e madje edhe harton plane e projekte antishqiptare me Gebelsin serb, me presidentin e Serbisë Aleksandër Vucic.
Janë kundër Xhaferr Devës të gjithë ata shqipfolës që nuk e duan Bashkimin Kombëtar; janë serbo-grekofilët dhe ata që e urrejnë nacionalizmin shqiptar; kundër Devës dhe veprës së tij janë shqipfolësit antiamerikanë dhe korrupsioni e tradhtia; janë ishenveristët e ishtitistët dhe pinjollët e tyre.Kundër Devës janë ata që rrënuan dhe shtrëmbëruan historinë; janë kundër Devës dhe kundër restaurimit të shtëpisë së tij të gjithë ata që rrënuan trashëgiminë kombëtare, që falsifikuan historinë e që shëmben e rrënuan edhe xhamijat e kishat.
Është koha që të dënohen krimet dhe genocidi komunist dhe që të bëhet dekomunistifikimi si dhe të rehabilitohen patriotët e nacionalistët e mëdhenj shqiptarë si Xhaferr Deva.Duhet të dënohet komunizmi ashtu sikurse u ndëshkua edhe nazizmi.Komunizmit, krimeve të tij u duhet bërë gjyqi, si regjim i cili u shkaktoi shqiptarëve trauma, të keqija e fatkeqësi të jashtëzakonshme e të paimagjinueshme pasojat e të cilit shqiptarët po i vuajnë edhe sot, sepse tranzicioni shqiptar ra në dorë dhe u sundua po prej ishkomunistëve dhe prej produktit të tij: të njeriut të ri të brumosur me ideologjinë antinjerezore, ateiste dhe antikombëtare sllavo-komuniste.Mediat, historianët dhe intelektualët e Tiranës duhet t’i shkruajnë e t’i thonë të vërtetat dhe të jenë të guximshëm, dhe jo të rrinë në hije dhe të qorrollepsur akoma nga shpifjet dhe trillimet ideologjike e politike të së shkuarës. Politikanët, historianët, mediat dhe intelektualët, ata duhet të dalin nga korniza e ligësisë dhe injorancës të cilat ua imponojnë servilizmi, amoraliteti intelektual dhe paraja e mercenarizmit të interesave politike dhe e shërbesës ndaj agjendave antishqiptare.Së pari na takon neve familjeve të dëshmorëve dhe të herojve nacionalistë e patriotë si dhe të intelektualëve me shpirt të pastër shqiptari që të interesohemi dhe t’u kërkojmë institucioneve më të larta shtetërore rehabilitimin, vlerësimin dhe mirënjohjen e vendosjen në vëndin e merituar në Tempullin të Lavdisë e të Meritës patriotët dhe nacionalistët e mëdhenj të cilët kanë kontribuar dhe që ia kanë kushtuar gjithë jetën me vepra e sakrifica cështjes së madhe kombëtare, ky shëmbulli për këtë është Xhaferr Deva.
