Një avion mallrash i Turkish Airlines me mbi 60 ton ndihma ushqimore dhe furnizime mjekësore mbërriti në kryeqytetin e Somalisë, Mogadishu, të martën si pjesë e një fushate të ndihmës globale të Turqisë.
“Aeroplani i Turkish Airlines mbërriti. Ai mban më shumë se 60 ton ndihma humanitare. Turkish Airlines ndihmon Somalinë #loveArmyFor Somalia “, theksoi Turkish Airlines në Twitter.
Zyra e kompanisë ajrore në Mogadishu po ashtu konfirmoi për AA se avioni ka zbritur në aeroportin ndërkombëtar Adan Adde.
Që nga viti 2011, Turkish Airlines ka qenë transportuesi i vetëm ajror ndërkombëtar që i ka shërbyer Somalisë, e cila këtë vit është përballur me kërcënimin e urisë.
Qeveria turke të dielën dhuroi afër 170 ton ndihma ushqimore pasi zëvendëskryeministri turk Veysi Kaynak vizitoi Mogadishun.
