Çavusoglu postoi në rrjetin social “Twitter” një mesazh në lidhje me Operacionin “Mburoja e Pranverës”, i cili u fillua menjëherë pas sulmit të pabesë të 27 shkurtit ndaj ushtarëve turq me mision në Idlib të Sirisë.
“Me «Mburojën e Eufratit», «Degën e Ullirit», «Burimin e Paqes» dhe tani me Operacionin «Mburoja e Pranverës», ne do të thyejmë çdo dorë tradhtare që shtrihet drejt flamurit tonë. Allahu i ruajtë heronjtë tanë që luftojnë për hir të gjysmëhënës me yll (flamurit)”, shkroi kryediplomati turk në median sociale.
