Ekipe të trupave SAS, elita e forcave speciale të ushtrisë turke janë angazhuar në operacionet që forcat e sigurisë zhvillojnë në zonat juglindore të vendit kundër strukturave të organizatës terroriste PKK në qytet.
Në operacionet që vazhdojnë kundër strukturave urbane të organizatës terroriste PKK në rajonin juglindor të Turqisë është angazhuar edhe Komanda e Grupit të Mbrojtjes Nënujore (e njohur shkurt si SAS), që është elita e forcave speciale të Forcave të Armatosura Turke.
Efektivi i kësaj trupe i nënshtrohet një trajnimi shumë të posaçëm në shumë tema, duke filluar që nga çaktivizimi dhe asgjësimi e eksplozivëve, identifikimi i vendeve të mundshme ku mund të vendosen eksplozivët, lufta kundër terrorit e deri tek mbrojtja e personave VIP.
Njoftohet se në këtë zonë kanë shkuar me detyrë 3 ekipe të forcave SAS, të cilët më shumë janë angazhuar për zbulimin dhe asgjësimin e eksplozivëve artizanalë, që nuk duken në pamje të parë me sy të lirë dhe me të cilët PKK-ja ka ngritur kurthe nëpër rrugica dhe shtëpi duke përdor madje edhe fildispanjë.
