Në kampin në fjalë jetojnë mijëra refugjatë, shumica e të cilëve përpiqen të fshihen në ndonjë kamion dhe të mbërrijnë në Britani të Madhe
Në kampin e improvizuar të refugjatëve “Xhungla” në Calais të Francës, në orët e mbrëmjes ka ndodhur një konflikt mes refugjatëve dhe policisë.
Policia ndërhyri dhe përdori gaz lotsjellës. Kampi konsiderohet si njëri nga kampet e refugjatëve me kushtet më të këqija të jetesës. Konflikti ka ardhur si rrjedhojë e vendimit të zyrtarëve francezë për mbylljen e kampit, në mënyrë që refugjatët të transferohen në kampe të tjera me kushte më të mira.