Presidenti Recep Tayyip Erdogan, tha se mesazhet kundrejt copëtimit dhe ndarjes së atdheut, nuk mund ti pranojnë.
Erdogan, ju përgjigj pyetjeve të gazetarëve gjatë kthimit nga Arabia Saudite ku kishte shkuar me ftesë së Mbretit Selman bin Abdulaziz.
Presidenti turk, ndaloi tek veprimet dhe fjalët e liderëve të partive politike që në kuadër të kushtetutës përbëjnë krim.
Ai tha se në raste të tilla, pra kur shkelet kushtetuta, duhet hequr imuniteti i këtyre personave ndërsa partitë e tyre duhet të mbyllen.
Ai theksoi se heqja e imunitetit të përfaqësuesve të partive politike që mbështesin terrorin do të ndikojë pozitivisht në paqen e vendit.
Presidenti Erdogan vlerësoi edhe punimet e kushtetutës së re dhe nënvizoi se për këtë çështje duhet konsensusi i popullit.
Ndërsa pyetjes së gazetarit në lidhje me zhvillimet në marrëdhëniet Turqi-Izrael, Presidenti Erdogan u shpreh se 2 vendet kanë nevojë për njëra tjetrën.
“Kushtet tona janë të qarta; falja, dëmshpërblimi dhe heqja e embargos. Një tjetër çështje që ne i japim rëndësi janë edhe shkeljet ndaj Mescid-i Aksa. Ne duhet të pranojmë se kemi nevojë për Izraelin, kjo është një e vërtetë e rajonit. Në kuadër të sinqeritetit reciprok, nëse arrijmë të hedhim hapat e duhura, vjen edhe normalizimi i marrëdhënieve. Ne jemi të detyruar të kujdesemi për vëllezërit tanë palestinezë”.