Mbrëmjen e së hënës Radio Televizioni i Kosovës është sulmuar me një granatë dore. Ngjarja ka ndodhur rreth orës 22:00 dhe në ambientet e RTK ndodheshin punonjës të shumtë.
Mjeti shpërthyes është hedhur në vendin ku janë transmetuesit e valëve. Gazetarët dhe pjesa tjetër e stafit janë tronditur nga shpërthimi i fuqishëm por fatmirësisht nuk ka pasur të lënduar.
“Rugovasit” marrin përsipër sulmin ndaj RTK-së
Në një njoftim, Grupi “Rugovasit” kanë bërë të ditur se, RTK-në e kanë sulmuar me arsyetimin se është rreshtuar krah qeverisë. Njëkohësisht, ata u kanë bërë thirrje gazetarëve ta mbrojnë Kosovës duke raportuar realitetin.
Lexoni njoftimin e plotë:
Mbrem e sulmuam RTK-ne me granat dore. Arsyet per kete sulm jane si me posht:
1. RTKja nuk na e qiti njoftimin qe ne e kishim sulmue shpine e Murat Mehs para disa ditve.
2. RTKja per cdo dit po qet vec lajme pro demarkacion dhe pro qeveri. RTK-ja asht rreshtu ne anen e qeveris qe po i shet bjeshket tona.
I bajm thirrje krejt gazetarve me e mbrojt token e Kosoves duke e kallxu realitetin e jo me i qit hi syve te popullit tone.
Nese Qeverija nuk nalet sulmet tona kane me u ashpersu perhere ma shume.