(SHQIPËRI) – Aktivistë të shoqërisë civile kanë protestuar në orët e vona të mbrëmjes së djeshme tek Parku i Liqenit.
Ata janë dhunuar nga punëtorët e firmës “Kasseli” sh.p.k, e cila ka të drejtën e betonizimit të liqenit. Eljan Tanini dhe protestues të tjerë janë kërcënuar dhe rrahur nga punëtorët e firmës.
Aktivistët e shoqërisë civile kanë kërkuar ndihmën e policisë. Por me të mbërritur në vendngjarje, punëtorët e “Kassel” ushtruan përsëri dhunë ndaj aktivistëve edhe pse policia ishte aty. Kjo e fundit nuk ka reaguar fare.
Shoqëria civile është e vendosur për të mbrojtur me cdo kusht Parkun e Liqenit. Ata kanë qendruar gjatë gjithë natës në zonën ku do të kryhet betonizimi.