Kryeministri Ahmet Davutoglu, tha se Turqia ka përdorë influencën e saj në mënyrë që organizata terroriste PYD të mos merrte pjesë në bisedimet për Sirinë në Gjenevë.
Përpara vizitës së tij në Arabinë Saudite, Kryeministri turk, në konferencën për shtyp në Aeroportin Esenboga në Ankara tha se për zgjidhjen e problemit, kurdët duhet të zënë vend në tryezë.
“Elementët e terrorit nuk duhet të jenë pjesë” tha Davutoglu duke theksuar se një zgjidhje që nuk pranohet prej Turqisë nuk mund të jetë e mundur në Siri dhe shtoi se është shumë e vështirë vendimmarrja për një kohë të shkurtër.
Edhe Ministri i Bashkimit Evropian dhe Kryenegociatori Volkan Bozkir në kuadër të takimeve në Romë, duke ju përgjigjur pyetjeve të TRT Haber, theksoi se Turqia është kundër përfshirjes së organizatave terroriste në tryezën e bisedimeve. Ai bëri të ditur se u pranuan provat e nxjerra nga Turqia në lidhje me lidhjen e PYD-së me PKK-në.
“Për sa kohë që qëndron Esadi nuk sigurohet zgjidhja dhe nuk është e mundur arritja në sukses në luftën kundër terrorit dhe zgjidhjen e krizës së emigrantëve” tha ministri turk.
Volkan Bozkir, bëri të ditur se 3 miliardë eurot që do ti jepen Turqisë për ti shpenzuar për sirianët, do të vijnë në fund të muajit shkurt ose në fillim të muajit mars.
/TRT/
