Një vit pas protestave, fati i ndërmarrjes në udhëkryq
Analisti Isa Mulaj tha se Qeveria, por edhe Kuvendi, duket sikur qëllimshëm e kanë prolonguar hartimin e strategjisë dhe miratimin e Projektligjit për “Trepçën” deri në nënshkrimin e marrëveshjes për “Zajednicën”
DYSHIMET E MULAJT
Analisti Isa Mulaj tha se Qeveria, por edhe Kuvendi, duket sikur qëllimshëm e kanë prolonguar hartimin e strategjisë dhe miratimin e Projektligjit për “Trepçën” deri në nënshkrimin e marrëveshjes për “Zajednicën”. “Tani gjërat duken të ndërlidhura ndërmjet “Zajednicës”, “Trepçës”, “Brezovicës” dhe disa aspekteve tjera ekonomike. Ashtu siç e ka bllokuar ose kushtëzuar privatizimin e “Brezovicës”, Serbia do ta shtoj ndikimin edhe rreth punëve të Trepçës, madje tani, është e pozicionuar më mirë pasi ka në dispozicion edhe një subjekt për t’i përfaqësuar dhe realizuar interesat e saja në “Trepçë”, pra “Zajednicën”.
Kryeministri Mustafa mundohet të bëjë sehir me deklaratat e tij se “Trepçën” do ta shpallin “Pasuri kombëtare.” Se si e shpall, nuk ka rëndësi. Edhe “Brezovicën” mund ta shpall “Pasuri kombëtare”, ndërkohë që punët konkrete dhe kontrollin në terren e ushtrojnë serbët lokalë dhe Qeveria e Serbisë. Madje, në këtë insiston edhe kryeministri Mustafa kur ngul këmbë se do ta zbatoj marrëveshjen për “Zajednicën” ashtu si është”, u shpreh ai.
