Në mesazhin për Vitin e Ri Presidenti Erdogan uroi që viti 2016 të sjellë për të gjithë botën paqe, qetësi, mirëqenie, shëndet dhe stabilitet.
Në mesazhin që publikoi me rastin e Vitit të Ri Presidenti Rexhep Tajip Erdoan (Recep Tayyip Erdoğan) vuri theksin në vendosmërinë e luftës kundër terrorist separatist.
– Turqia do ti japë fund këtij problemi, tha Presidenti Erdoan dhe vijoi kështu: “Organizata terroriste që ka nisur sërish aktet e armatosura në një periudhë kur Turqia i ishte afruar shumë zgjidhjes së kësaj çështjeje, nuk ka absolutisht ndonjë synim si ai i mbrojtjes së të drejtave apo kërkesave të popullit të krahinës. Lakuriqësia e kësaj duket në shumë qartë në procesin e tanishëm. Ne e dimë shumë mirë që hendekët që janë gërmuar janë hapur me qëllim për të penguar Turqinë të realizojë objektivat e saj. Turqia në unitet me shtetin dhe popullin e saj do ti kapërcejë të gjitha këto pengesa”.
Në mesazhin që ka publikuar me rastin e Vitit të Ri, Presidenti Erdoan kujton edhe dëshmorët që kanë dhënë jetën në ngjarjet terroriste.
-“200 punonjësit e sigurisë që kanë rënë dëshmorë dhe qytetarët që kanë humbur jetën në ngjarjet e terrorit në vitin 2015 janë burimi më i madh i hidhërimit. Zoti i mëshiroftë edhe një herë dëshmorët dhe qytetarët që kanë humbur jetën, u shpreh ngushëllimet të afërmve dhe të gjithë popullit tonë”, shkruan Erdogan në mesazhin e tij.
-“Zhvillimet në rajon me epiqendër Sirinë janë burimi i shumë problemeve, përfshi këtu edhe terrorin separatist. Turqia nuk ka synime territoriale ndaj asnjë shteti”, cilësoi Presidenti Erdoan dhe vijoi: -“Në çështjen e Sirisë, çështje që ka hyrë në vitin e 5-të, Turqia që në fillim ka mbajtur një qëndrim pranë njerëzores, të moralshmes, pranë të privuarit dhe të shtypurit. Turqia ashtu siç nuk është shkaktare e ngjarjeve në Irak, Egjipt, Libi, Palestinë, ashtu nuk është përgjegjëse edhe për ngjarjet në Siri. Ne nuk kemi asnjë synim tjetër përveç sigurisë dhe qetësisë së vëllezërve tanë në rajon”.
