Sipas raportit të organizatës CNAS me qendër në SHBA, Türkiye me performancën e saj të suksesshme në vitet e fundit është bërë furnizuesi më i madh në botë i dronëve (të armatosur dhe të paarmatosur), transmeton Anadolu.
Qendra për Sigurinë e Re Amerikane (CNAS) publikoi një raport mbi tregun global të dronëve ushtarakë. Sipas raportit të përgatitur nga Molly Campbell, dominimi i Izraelit dhe SHBA-së në tregun e dronëve përfundoi pasi Kina, Türkiye dhe Irani zhvilluan dronët ushtarakë me kosto të ulët.
65 për qind të shitjeve i ka bërë Türkiye
Kina, Türkiye dhe SHBA-ja kanë shitur gjithsej 69 dronë të armatosur ushtarakë në 40 vende të ndryshme që nga viti 2018. Teksa Türkiye realizoi 65 për qind të këtyre shitjeve, Kina realizoi 26 për qind dhe SHBA-ja vetëm 8 për qind.
Në vitin 2022, dronë (të armatosur dhe të paarmatosur) prokuruan 6 vende të reja, ndërsa të gjitha këto ishin Bayraktar TB2 të prodhuara nga Baykar. Ndërsa shitjet e dronëve (të armatosur dhe të paarmatosur) të Kinës arritën kulmin e tyre në vitin 2014. Në vitin 2021 Türkiye e kaloi Kinën dhe u bë furnizuesi më i madh në botë.
Sukseset në terren rritën eksportet
Sipas raportit, performanca e suksesshme e dronëve (me armë dhe pa armë) turke në fushat e betejës në Libi, Karabak dhe Ukrainë si dhe reflektimet pozitive të kësaj performance në media i sollën në krye dronët (të armatosur dhe të paarmatosur) të Türkiyes.
