Rajoni i Shkupit dje pasdite është përfshirë nga reshje të fuqishme dhe erëra të forta që për pasojë, kane shkaktuar përmbytje në disa zona të kryeqendrës.
Në pamjet e fundit që janë regjistruar në Shkup, shihen rrugët dhe lagjet e përmbytura me ujë, madje në disa zona uji ka arritur deri në 2 metra kështu duke fundosur plotësisht makinat e shumë qytetarëve dhe shtëpitë e tyre.
Deri në këto momente nga Qendra për menaxhim me kriza në Shkup, nuk ka informacione =për ndonjë të zhdukur, apo viktimë, por as për ndonjë të plagosur, edhe pse mediat në Shkup raportojn se janë gjithsej 15 viktima.
