Lideri i LSDM-së, Zoran Zaev, gjatë ditës së sotme ka zhvilluar takim me ambasadorin e Turqisë, Omur Solendil, të cilin e ka informuar për rrjedhën e bisedimeve me diplomatëve me qëllim gjetjen e zgjidhjes për krizën politike.
Zaev, ka theksuar se ekziston mundësia ligjore dhe kushtetuese që të konvokohet Kuvendi i Maqedonisë, si dhe të tërhiqet vendimi i Ivanovit për abolimin e politikanëve. Ai gjithashtu ka shtuar se nëse ekziston vullnet politik shumë shpejt mund të gjendet zgjidhja.
Ambasadori Solendil theksoi se Turqia i ndjekë ngjarjet politike në Maqedoni dhe shfaqi shpresë se do të respektohet zgjedhja e popullit në zgjedhjet që do të mbahen në pajtim me rregullat dhe parimet demokratike të drejtësisë.
“Është e rëndësishme, me dialog, në kuadër të rregullave demokratike dhe sundimit të drejtësisë, me zgjedhje fer dhe transparente të gjendet zgjidhje për tensionin politik”, ka thënë ambasadori Solendil.
/SHENJA/
